USD 425.02 EUR 450.1
RUB 7.17 CNY 63.75
جاڭالىقتار

بىزگە جاڭا سالىق ساياساتى قاجەت - قاسىم-جومارت توقايەۆ

21 قاڭتار 20:59
:ءبولىسۋ
بىزگە جاڭا سالىق ساياساتى قاجەت - قاسىم-جومارت توقايەۆ

نۇر-سۇلتان. قازاقپارات - بىزگە جاڭا سالىق ساياساتى قاجەت. بۇل تۋرالى بۇگىن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

مەملەكەت باسشىسى ەلىمىزدىڭ بيزنەس وكىلدەرىمەن كەزدەسۋى بارىسىندا ءتيىمدى سالىق ساياساتى تۋرالى ايتا كەلىپ، 2020-جىلدىڭ قورىتىندىسى بويىنشا مەملەكەتتىك بيۋجەتتىڭ كىرىسى 34,6 ميلليارد دوللار (14,6 تريلليون تەڭگە) بولعانىن جانە بۇل ءى ج ءو- ءنىڭ 20 پايىزى ەكەنىن اتاپ ءوتتى.

«اسا ماڭىزدى مەملەكەتتىك مىندەتتەردى شەشۋ ءۇشىن بۇل جەتكىلىكسىز. ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردە مەملەكەتتىك بيۋجەتتىڭ كىرىسى 40-50 پايىزعا دەيىن جەتەدى. ءتىپتى، ءبىزدىڭ جاقىن كورشىلەرىمىزدىڭ وزىندە بۇل كورسەتكىش الدەقايدا جوعارى. ماسەلەن، ۋكراينادا — %31، رەسەيدە — %35,4، قىرعىزستاندا — %31. سوڭعى 10 جىلدا ەلدىڭ ءى ج ءو- دەگى سالىقتىڭ ۇلەسى 9,9 پايىزدان، 7,3 پايىزعا دەيىن تومەندەپ كەتكەن. مىنە، سول سەبەپتى ۇلتتىق قوردان بولىنەتىن ترانسفەر دە تىم كوبەيىپ كەتكەن. 2019-جىلدان 2021-جىلعا دەيىن 12 تريلليون تەڭگە، ياعني 30 ميلليارد دوللارعا جۋىق قارجى جۇمسالعان»، — دەدى مەملەكەت باسشىسى.

ق ر پرەزيدەنتىنىڭ اتاپ وتۋىنشە، وسى جاعداي اسا ماڭىزدى شەشىمدەر قابىلداۋدى تالاپ ەتىپ وتىر.

«بىزگە جاڭا سالىق ساياساتى قاجەت. ول استىرتىن قيتۇرقى ارەكەتتەرگە جول بەرمەيتىن، بيزنەسكە دە، ۇكىمەتكە دە اشىق، تۇسىنىكتى ساياسات بولۋى كەرەك»، - دەدى مەملەكەت باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات