USD 425.02 EUR 450.1
RUB 7.17 CNY 63.75
جاڭالىقتار

قاڭتار وقيعاسى: ق ر س ءى م باسشىسى ە ق ى ۇ وكىلدەرى ءۇشىن بريفينگ وتكىزدى

21 قاڭتار 20:45
:ءبولىسۋ
قاڭتار وقيعاسى: ق ر س ءى م باسشىسى ە ق ى ۇ وكىلدەرى ءۇشىن بريفينگ وتكىزدى

ۆەنا. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ۆەناعا جۇمىس ساپارى بارىسىندا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) تۇراقتى كەڭەسىنىڭ وتىرىسىندا قازاقستاندا قاڭتار ايىندا بولعان وقيعالار تۋرالى بريفينگ وتكىزدى، دەپ حابارلايدى قازاقپارات.

م. تىلەۋبەردى ە ق ى ۇ- عا قاتىسۋشى ەلدەردىڭ وكىلدەرىن بولعان وقيعانىڭ سەبەپتەرى، تەرروريزمگە قارسى وپەراتسيانىڭ ناتيجەلەرى، ۇ ق ش ۇ بىتىمگەرشىلىك ميسسياسى تۋرالى حاباردار ەتتى.

قازىرگى ۋاقىتتا ەلدەگى جاعداي تولىعىمەن تۇراقتانعانىن جانە قازاقستان ءوزىنىڭ كوپۆەكتورلى ساياساتىن جالعاستىرىپ، بارلىق حالىقارالىق مىندەتتەمەلەرىن ۇستاناتىنىن ەرەكشە اتاپ ءوتتى.

مينيستر سونداي-اق، ق ر پرەزيدەنتى قاسىم-جومارت توقايەۆتىڭ جاڭادان قۇرىلعان ق ر ۇكىمەتىنىڭ الدىنا قويعان ەلدەگى الەۋمەتتىك-ەكونوميكالىق جاعدايدى جاقسارتۋ جونىندەگى مىندەتتەرى، سونداي-اق «حالىق ۇنىنە قۇلاق اساتىن مەملەكەت» تۇجىرىمداماسى اياسىندا جۇرگىزىلىپ جاتقان ساياسي رەفورمالاردىڭ جاڭا پاكەتى تۋرالى حاباردار ەتتى.

ساپار اياسىندا م. تىلەۋبەردى ە ق ى ۇ باسشىلىعىمەن - باس حاتشى حەلگا شميد، دەموكراتيالىق ينستيتۋتتار جانە ادام قۇقىقتارى جونىندەگى بيۋرونىڭ ديرەكتورى ماتتەو مەكاچچي، ە ق ى ۇ ب ا ق بوستاندىعى جونىندەگى وكىلى تەرەزا ريبەيرو، سونداي-اق ە ق ى ۇ پارلامەنتتىك اسسامبلەياسىنىڭ ءتوراعاسى مارگارەتا سەدەرفەلتپەن ەكىجاقتى كەزدەسۋلەر وتكىزدى.

تاراپتار بۇعان دەيىن قول جەتكىزىلگەن ۋاعدالاستىقتاردى ىسكە اسىرۋ بارىسىن تالقىلاپ، مەملەكەت باسشىسىنىڭ جاڭا رەفورمالارى اياسىندا ودان ءارى ىنتىماقتاستىقتىڭ پەرسپەكتيۆالارىن بەلگىلەدى.

ق ر س ءى م باسشىسى اۋستريانىڭ ەۋروپالىق جانە حالىقارالىق ىستەر جونىندەگى فەدەرالدىق ءمينيسترى الەكساندر شاللەنبەرگپەن ەكىجاقتى كەزدەسۋ وتكىزدى.

ولار ءوزارا ىنتىماقتاستىقتى نىعايتۋ بويىنشا الداعى قادامداردى تالقىلادى. قازاقستان مەن اۋستريا اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىن ەسكەرە وتىرىپ، بيىلعى جىلى وتەتىن ءىس-شارالارعا ەرەكشە نازار اۋدارىلدى.

تاراپتار ەكىجاقتى شارت-قۇقىقتىق بازانى كەڭەيتۋ تۋرالى ۋاعدالاستى. كەلىسسوزدەر قورىتىندىسى بويىنشا مينيسترلەر اۋستريالىق جانە شەتەلدىك ب ا ق ءۇشىن بىرلەسكەن باسپا ءسوز كونفەرەنسياسىن وتكىزدى.

وعان قوسا، م. تىلەۋبەردى اۋستريالىق جانە ەۋروپالىق جۋرناليستەر ءۇشىن جەكە بريفينگ وتكىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات