پرەزيدەنت: قولىمىزدا سالىقتى تولىق تولەۋدەن جالتارىپ وتىرعان الپاۋىتتار جونىندە مالىمەتتەر بار

نۇر-سۇلتان. قازاقپارات - ءىرى كومپانيالاردىڭ سالىق تولەۋى - كۇردەلى ماسەلە.

بۇل تۋرالى بۇگىن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

مەملەكەت باسشىسى ەلىمىزدىڭ بيزنەس وكىلدەرىمەن كەزدەسۋى بارىسىندا ءىرى كاسىپورىنداردىڭ سالىق تولەۋ جانە ەسەپ بەرۋ ماسەلەلەرىن رەتكە كەلتىرۋ قاجەتتىگى تۋرالى ايتتى.

«ءىرى كومپانيالاردىڭ سالىق تولەۋى - كۇردەلى ماسەلە. قولىمىزدا ءتۇرلى سەبەپتەردى سىلتاۋراتىپ، سالىقتى تولىق تولەۋدەن جالتارىپ وتىرعان الپاۋىتتار جونىندە ارناۋلى ورگاندار ۇسىنعان مالىمەتتەر بار. پرەمەر-مينيسترگە وسى ماسەلەنى تۇبەگەيلى شەشۋدى جانە قازىنانى تيەسىلى قاراجاتپەن قامتاماسىز ەتۋدى تاپسىرامىن»، - دەدى قاسىم-جومارت توقايەۆ.