USD 422.01 EUR 452.06
RUB 6.75 CNY 62.72
جاڭالىقتار

مەملەكەت باسشىسى: مەن ءۇشىن مەملەكەت مۇددەسى جەكەلەگەن جاقسى قاتىناستاردان دا جاقسى

21 قاڭتار 19:56
:ءبولىسۋ
مەملەكەت باسشىسى: مەن ءۇشىن مەملەكەت مۇددەسى جەكەلەگەن جاقسى قاتىناستاردان دا جاقسى

نۇر-سۇلتان. قازاقپارات - «پلاتون - مەنىڭ دوسىم، ءبىراق شىندىق ودان دا قىمبات» دەگەن ءسوز مەن ءۇشىن ماقساتتىق قاعايدات».

مەملەكەت باسشىسى قاسىم-جومارت توقايەۆ قازاقستاننىڭ ءىرى بيزنەس وكىلدەرىمەن كەزدەسۋىندە وسىلاي دەدى، دەپ حابارلايدى قازاقپارات ءتىلشىسى.

كەزدەسۋ بارىسىندا پرەزيدەنت مەملەكەتتەن كومەك الاتىن كاسىپكەرلەر ءار تيىندى قالاي جۇمساعانى تۋرالى ەسەپ بەرۋ كەرەكتىگىن ايتتى.

«ساتىپ الۋ ءىسىن رەفورمالاۋ قاجەت. مەملەكەتتىك ساتىپ الۋ - يگىلىگىن دۇرىس پايدالانۋدى قاجەت ەتەتىن وراسان رەسۋرس. بۇل تۇرعىدا ۇلكەن پروبلەمالارىمىز بار ەكەنى كوپكە ايان. باسەكەلىك ەمەس تاسىلدەرمەن ساتىپ الۋدىڭ ۇلەسى ءالى دە قوماقتى. تەك قانا باعا ولشەمىنە باسىمدىق بەرۋ ءتاسىلى ساتىپ الىناتىن تاۋار مەن قىزمەتتەردىڭ ساپاسىن ەكىنشى ورىنعا ىعىستىرۋدا. سالدارىنان قازاقستاندىق جەتكىزۋشىلەر ءوندىرىستى جابدىقتاۋ ىسىنەن ءجيى قاعىلىپ جاتىر. ءبىر كۇندىك كومپانيالاردى ەكشەيتىن قاتاڭ سۇزگى جوق. ولار يمپورتىق ءونىمدى وتاندىق ءونىم رەتىندە وتكىزۋگە ماشىقتانىپ العان. بۇل پروبلەمالاردىڭ شۇعىل شەشۋ كەرەك»، - دەدى قاسىم-جومارت توقايەۆ.

ايتۋىنشا، اسىرەسە، «سامۇرىق-قازىنا» قورىنىڭ ساتىپ الۋلارىن ەرەكشە باقىلاۋ قاجەت.

«تاسالانۋ، اشىقتىق ەمەس جۇيە، باعانى ءوسىرىپ بەلگىلەۋ. مۇنداي فاكتىلەردى دەرەۋ تىيۋ كەرەك. ءارى قاراي باراتىن دا جەر قالعان جوق. شۇعىل شەشۋ كەرەك. ءبىر اي ۋاقىت بەرەم. سوڭعى رەت! شەشىمى تابىلماسا، ءبىز دە قاتاڭ شەشىم قابىلدايمىز. «پلاتون مەنىڭ دوسىم، ءبىراق شىندىق ودان دا قىمبات» دەگەن ءسوز مەن ءۇشىن ماقساتتى قاعيدات ەكەنىنە ءبارىنىڭ كوزى جەتكەن شىعار دەپ ۇمىتتەنەمىن. بۇل بۇكىل ماسەلەلەرگە قاتىستى. مەن ءۇشىن مەملەكەتتىڭ مۇددەسى كەز كەلگەن اداممەن جەكە ءارى تاتۋ قارىم-قاتىناستان جوعارى. مەملەكەتكە قاجەت بولسا، وتە قيىن شەشىمدەر قابىلداۋعا دايىنمىن. ونداي شەشىمدەردى قابىلدادىم دا. بولاشاقتا دا ونداي شەشىمدەردى ەشبىر كۇمانسىز قابىلدايتىن بولامىن»، - دەدى پرەزيدەنت.

«بىزگە جاڭا سالىق ساياساتى كەرەك. ول ساياسات استىرتىن كەدەرگىسىز، سالالىق الالاۋسىز، ۇكىمەتكە دە، بيزنەسكە دە تۇسىنىكتى ءارى اشىق بولۋى كەرەك. ۇكىمەتكە ءبىرشاما كۇردەلى مىندەت جۇكتەلىپ وتىر. ول مىندەتتەردىڭ ءبارىن كاسىپكەرلەر قاۋىمىمەن تالقلاۋ قاجەت. سالىقتى ادال تولەۋ ءتيىمدى ءارى وڭاي بولاتىنداي ەتىپ ىستەۋ كەرەك. بيزنەسكە، اسىرەسە ءىرى بيزنەسكە جۇمىسى كومەسكى، كۇدىكتى سەرىكتەستەرگە تۇزبەۋشىلىك قاعيداتىن ۇستانۋ كەرەك. مەملەكەتتىڭ موينىنان كولەڭكەلى ەكونوميكانىڭ ۇلەسىن قىسقارتۋ مىندەتىن ەشكىم العان جوق. بۇل بيۋجەت كىرىسىنىڭ وراسان كوزى. سونىمەن بىرگە پاراساتتى سالىق تولەۋشىلەردى قولداپ، ولاردى ادال ەمەس باسەكەدەن اراشالاۋ ماڭىزدى. جۇمىستى تازا كەدەننەن باستاعان ءجون.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات