پرەزيدەنت: جەكەمەنشىك مونوپولياعا زاڭمەن تىيىم سالۋ كەرەك
بۇل تۋرالى بۇگىن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ەڭ الدىمەن، قولدان جاسالعان مونوپوليالارعا تالداۋ جاساۋ قاجەت. وپەراتورلاردىڭ، اسىرەسە، جەكە وپەراتورلاردىڭ قىزمەتى مۇلدەم توقتاتىلادى. ەستەرىڭىزدە بولسا، بۇرىن «وتەپ الۋشى» دەگەن تەرمين بولاتىن. جەكە كومپانيالار ءتيىستى تولەم ارقىلى مەملەكەتتىڭ ءبىرقاتار ەكونوميكالىق فۋنكتسيالارىن ورىنداۋدى ساتىپ الاتىن. بۇل جاقسىلىققا اپارمادى»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
وسى رەتتە ق ر پرەزيدەنتى ۇكىمەتكە مۇنداي قىزمەتتەرگە زاڭدى تۇردە تىيىم سالۋدى قامتاماسىز ەتۋدى تاپسىردى.
«بارلىق ورىندار باسەكەگە اشىق بولۋى ءتيىس. نارىقتاردا قولدان جاسالعان كوپتەگەن دەلدالدىق تىزبەكتەردى جويۋ قاجەت. بۇل قوردالانىپ قالعان ماسەلەنى ەشكىمنىڭ شەشۋگە قۇلقى جوق. ەكونوميكانى دەوليگوپوليزاتسيا بويىنشا قاتاڭ ساياسات قاجەت»، دەدى قاسىم-جومارت توقايەۆ.