قورعاستا تاۋار جەتكىزۋشىلەر تەكسەرىلۋدە - كوميتەت
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە مەملەكەتتىك كىرىستەر كوميتەتى ءتوراعاسىنىڭ ورىنباسارى قايرات مياتوۆ ءمالىم ەتتى.
«قىتاي شەكاراسىنداعى ماسەلە ۇنەمى كوتەرىلەدى. پرەزيدەنتتىڭ تاپسىرماسىنا بايلانىستى جۇمىس توبى قۇرىلدى. ونىڭ قۇرامىنا باس پروكۋراتۋرانىڭ، قارجىلىق مونيتورينگ اگەنتتىگىنىڭ، مەملەكەتتىك كىرىستەر كوميتەتىنىڭ ورتالىق اپپارات وكىلدەرى كىردى. قازىر ولار قىتاي شەكاراسىندا وكىلەتتى ەكونوميكالىق وپەراتورلاردىڭ ۇستىنەن تەكسەرۋ جۇرگىزىپ جاتىر. قالعان قاتىسۋشىلاردىڭ ۇستىنەن ەشقانداي تەكسەرۋ ءجۇرىپ جاتقان جوق. شەكاراداعى بۇكىل راسىمدەر شتاتتىق رەجيمدە ورىندالۋدا، ەشقانداي كەپتەلىس جوق»، - دەدى كوميتەت باسشىسىنىڭ ورىنباسارى.
ايتۋىنشا، اتالعان جۇمىس توبى تەك وكىلەتتى ەكونوميكالىق وپەراتورلاردى عانا تەكسەرۋ ءۇشىن شىققان.
«بۇل وزدەرى جەكە ساناتقا جاتادى. ولار ءىرى بيزنەسكە كوتەرمە ساۋدا جەتكىزۋدى ورىندايدى. تەكسەرۋدىڭ قورىتىندىسى بويىنشا باس پروكۋراتۋرانىڭ قارجىلىق مونيتورينگ اگەنتىگىنىڭ وكىلدەرىمەن بىرگە جەكە ەسەپ بەرەمىز. قىسقا ۋاقىتتىڭ ىشىندە قانداي دا ءبىر قورىتىندى بار دەپ ايتا المايمىز. تولىققاندى قورىتىندى ەسەپ تۇرىندە شىعارىلادى. ونىڭ تانىستىرىلىمىنا ب ا ق وكىلدەرىن دە شاقىرامىز دەپ ويلايمىن»، - دەدى قايرات مياتوۆ.