USD 424.84 EUR 453.6
RUB 7.3 CNY 63.91
جاڭالىقتار

بالالار مەن جۇكتى ايەلدەر اراسىندا كوروناۆيرۋس جۇقتىرعاندار كوبەيدى - ينفەكتسيونيست

21 قاڭتار 17:55
:ءبولىسۋ
بالالار مەن جۇكتى ايەلدەر اراسىندا كوروناۆيرۋس جۇقتىرعاندار كوبەيدى - ينفەكتسيونيست

اقتوبە. قازاقپارات - اقتوبە وبلىسىندا «وميكرون» شتامى رەسمي انىقتالعان جوق. دەگەنمەن قازىر وڭىردە COVID-19 جۇقتىرىپ جاتقان ادامدار سانى كوبەيدى.

بالالار مەن جۇكتى ايەلدەر دە اۋرۋحاناعا ءجيى تۇسە باستادى. بۇل تۋرالى اقتوبە وبلىسىنىڭ باس ينفەكتسيونيست دارىگەرى مەيرامبەك قۇرمانعازين ايتتى، دەپ حابارلايدى قازاقپارات ءتىلشىسى.

«اقتوبە» تەلارناسىنىڭ «جەلىدە 103» باعدارلاماسىندا كوروناۆيرۋس ينفەكتسياسىمەن كۇرەس جۇمىستارى، ۆاكسيناتسيا جانە ريەۆاكسيناتسيا تۋرالى ايتىلدى.

اقتوبە وبلىسىنىڭ باس ينفەكتسيونيست دارىگەرى مەيرامبەك قۇرمانعازيننىڭ حابارلاۋىنشا، وڭىردە دارىگەر كومەگىنە جۇگىنگەن ادام سانى ارتىپ كەلەدى.

«قاڭتار ايىنىڭ باسىندا ونعا جۋىق ادام اۋىرىپ، اۋرۋحانادا جاتتى. بۇگىندە ءبىر تاۋلىكتە 586 ادامنىڭ پتر سىناماسى وڭ ناتيجە كورسەتتى. كۇن وتكەن سايىن ءوسىم تىركەلىپ جاتىر. بۇل مۋتاتسياعا تۇسكەن ۆيرۋستىڭ كەڭ تارالعانىن كورسەتەدى. بۇعان دەيىن 7-14 كۇندە اۋرۋ بەلگىسى انىقتالسا، بۇگىندە 3-4 كۇن جەتكىلىكتى بولىپ تۇر. ءتىپتى بىرنەشە ساعاتتان سوڭ دا انىقتالادى. ورتا ەسەپپەن 3-6 ەسەگە تەز تاراپ جاتقانىن كورەمىز. اۋرۋ بەلگىسى دە وزگەردى. وكپە ەمەس، جوعارى تىنىس الۋ جولدارى زاقىمدانادى. مىسالعا تاماق اۋىرادى. جرۆي بەلگىلەرى كورىنەدى. الدانىپ قالۋىمىز مۇمكىن. تەك 4-5 كۇننەن سوڭ وكىپەنى زاقىمدانىپ تا جاتادى. بۇرىن ءبىر اپتا بولاتىن. بۇل كورسەتكىش از، دەگەنمەن كەزدەسىپ جاتىر»، - دەدى اقتوبە وبلىسىنىڭ باس ينفەكتسيونيست دارىگەرى مەيرامبەك قۇرمانعازين.

ونىڭ ايتۋىنشا، بويدى السىزدىك بيلەپ، بۇلشىقەتتىڭ سىرقىراۋى، باس اۋرۋى دا كەزدەسەدى. ۆيرۋستىڭ وسى بەلگىلەرى انىقتالعان كەزدە ەمحانادان دارىگەرلەردى ۇيگە شاقىرۋ كەرەك.

«تاعى ءبىر ەرەكشەلىگى - بالالار اراسىندا تارالۋى. قازىر اقتوبەدە بولەك ستاتسيونار اشىلىپ، بالالار ەم قابىلداپ جاتىر. جۇكتى ايەلدەردەن دە انىقتالادى. بۇرىن 4-5 ايەل اۋرۋحانادا جاتسا، قازىر 70-كە جۋىقتادى. ال 200 دەن استامى ەمحانا دارىگەرلەرىنىڭ باقىلاۋىندا. ەڭ باستىسى - ناۋقاستىڭ 5-6 كۇن وقشاۋلانۋى ماڭىزدى. سول كەزدە تارالمايدى. ءتىپتى اۋرۋحانادان سول 5-6 كۇندە شىعارىپ جاتىرمىز»، - دەدى مەيرامبەك قۇرمانعازين.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات