پرەزيدەنت «سامۇرىق- قازىنا» باسشىسىنا سوڭعى مۇمكىندىك بەرەتىندىگىن ايتتى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قازاقستاننىڭ ءىرى بيزنەس وكىلدەرىمەن كەزدەسۋىندە «سامۇرىق- قازىنا» قورىنىڭ باسشىسىنا قاتاڭ تالاپ قويىلعانىن ايتتى، دەپ حابارلايدى قازاقپارات ءتىلشىسى.

«قازىر قور جۇمىسى جابىق، بىلايشا ايتقاندا ساياسي ماڭىزى بار ادامدار تاعايىندالاتىن الىپ قۇرىلىم بولىپ الدى. ساتىپ الۋدىڭ ءتيىمسىز جۇيەسى، ەڭبەك جانجالدارى، قىرۋار شىعىن، اياقسىز قالاتىن اۋقىمدى جوبالار، كۇتىپ- ۇستاۋعا دەپ شامادان تىس شىعىن جۇمساۋ. وسىنشا ماسەلەنىڭ ءبارى قوعامنىڭ نارازىلىعىن تۋعىزادى. ويتكەنى ءبىز وسى ۋاقىتقا دەيىن ناقتى مۇناي حيمياسىن قۇرا المادىق. كەڭەس زامانىندا سالىنعان زاۋىتتاردى جوندەپ الەكپىز. ال ىرگەمىزدەگى وزبەكستان 2-3 زاۋىت سالىپ ۇلگەرگەن. ديرەكتورلار كەڭەسىنىڭ جانە تاۋەلسىز ديرەكتورلاردىڭ ءرولى كوپ جاعدايدا فورمالدى سيپاتقا يە. قوردى تۇبەگەيلى رەفورمالاۋ تۋرالى مىندەت جۇكتەيمىن»، - دەدى پرەزيدەنت.

مەملەكەت باسشىسى ۇلتتىق قوردىڭ باسشىسىنا قانداي شارت قويىلعانىن دا اشىق ايتتى.

«مەن بۇل جونىندە ساتقاليەۆپەن سويلەستىم، رەفورمالاۋ مىندەتىن ەڭسەرە الماسا، جۇمىستان كەتەدى. ونىمەن بىرگە قوردىڭ ءوزى دە نارىقتان كەتۋى مۇمكىن»، - دەدى قاسىم- جومارت توقايەۆ.

اۆتور: ەسىمجان ناقتىباي