USD 425.02 EUR 450.1
RUB 7.17 CNY 63.75
جاڭالىقتار

كاپيتالدى ەلگە قايتارۋ جانە وفشورعا قارجى شىعارۋعا توسقاۋىل قويۋ جۇمىستارى جۇرگىزىلەدى -  توقايەۆ

21 قاڭتار 15:53
:ءبولىسۋ
كاپيتالدى ەلگە قايتارۋ جانە وفشورعا قارجى شىعارۋعا توسقاۋىل قويۋ جۇمىستارى جۇرگىزىلەدى -  توقايەۆ

نۇر- سۇلتان. قازاقپارات - قازاقستاندا ەكى باعىت بويىنشا جۇمىس جۇرگىزىلەدى، ولار - كاپيتالدى ەلگە قايتارۋ جانە وفشورعا قارجى شىعارۋعا توسقاۋىل قويۋ.

بۇل تۋرالى ق ر پرەزيدەنتى قاسىم- جومارت توقايەۆ بيزنەس وكىلدەرىمەن كەزدەسۋدە مالىمدەدى، دەپ حابارلايدى قازاقپارات.

«ۇكىمەت ينۆەستيتسيالىق مىندەتتەمەنىڭ ورىندالۋىنا تالداۋ جۇرگىزۋى كەرەك. ءدال قازىر شەتەلدىك ينۆەستيتسيالار ءۇشىن كۇرەس شيەلەنىسكەن كەزدە ءبىز ىشكى رەزەرۆتەرگە بارىنشا كوبىرەك ارقا سۇيەۋىمىز كەرەك. مۇندا ارينە، وتاندىق كومپانيالاردىڭ قاراجاتى تۋرالى ايتىلىپ وتىر. ەگەر سىزدەر ءوز بولاشاقتارىڭىزدى قازاقستانمەن بايلانىستىرساڭىزدار، وندا قاراجاتتارىڭىزدى ءبىزدىڭ ەلگە قايتا ينۆەستيتسيالاۋ كەرەك. سىزدەردىڭ قازاقستان الدىنداعى الەۋمەتتىك جانە ساياسي جاۋاپكەرشىلىكتەرىڭىز وسى. ءىس جۇزىندە «ەلدە تابىس تابامىز - ونى شەتەلدە جۇمسايمىز» دەگەن قاعيداتتىڭ بولۋىنا بۇدان بىلاي ەش قۇقىعى جوق»، - دەدى قاسىم- جومارت توقايەۆ.

مەملەكەت باسشىسى جۇمىس ەكى باعىت بويىنشا جۇرگىزىلەتىنىن ايتتى.

«سوندىقتان جۇمىس ەكى باعىت بويىنشا جۇرگىزىلەتىن بولادى - ەلگە كاپيتالدى قايتارۋ مەن كاپيتالدى قايتارۋدى ىنتالاندىرۋ، سونداي- اق وفشورعا قارجى شىعارۋعا توسقاۋىل قويۋ»، - دەدى قاسىم- جومارت توقايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات