سارى اعاشتا قىرىققابات ەگۋ جۇمىستارى باستالدى

سارى اعاش. قازاقپارات - تۇركىستان وبلىسى سارى اعاش اۋدانىنىڭ شارۋالارى جىلىنا ءبىر القاپتان ءۇش رەت ءونىم الۋ جوباسىن جۇزەگە اسىرىپ كەلەدى. بۇگىنگى تاڭدا جەرگىلىكتى شارۋالار قىرىققابات كوشەتىن وتىرعىزۋ جۇمىسىن باستاپ كەتتى، دەپ حابارلايدى قازاقپارات ءتىلشىسى.

ەرتە ءونىم بەرەتىن قىرىققابات داقىلىن ەگۋ ناۋقانىنا قازىردىڭ وزىندە بىرنەشە شارۋا قاتىسىپ، قىزۋ جۇمىستار جۇرۋدە. ەگىندى ەرتە باستاعانداردىڭ ءبىرى - جارتىتوبە اۋىلدىق وكرۋگى، ىنتىماق ەلدى مەكەنىندەگى «الماس» شارۋا قوجالىعى. بۇگىنگى تاڭدا قوجالىقتىڭ ءتوراعاسى الماس اليمقوجايەۆتىڭ ەنشىسىندەگى جەرگە قىرىققابات داقىلى ەگىلىپ جاتىر.

ديقاندار قاڭتاردىڭ ءاربىر كۇنىن ءتيىمدى پايدالانىپ، جاۋىن- شاشىنعا قاراماستان جۇمىس ىستەۋدە. ءونىم 2 اي كولەمىندە پىسەدى. ەرتە پىسەتىن ءونىم تۇرىنە سۇرانىس كوپ بولعاندىقتان شارۋالار وسى تۇسىمگە ەرەكشە ءۇمىت ارتىپ وتىر. بيىل اۋداندا 69700 گەكتار ەگىستىك جەر يگەرىلگەن. ونىڭ ىشىندە 30 مىڭ گ ا بيداي، 7600 گ ا ارپا، 5000 گ ا داندىك جۇگەرى، 500 گ ا بۇرشاقتى داقىل، 1809 گ ا مايلى داقىل، 1200 گ ا باقشا، 4000 گ ا كارتوپ، 10500 گ ا كوكونىس جانە 9000 گ ا مال ازىقتىق داقىلدارى وسىرىلگەن.

ەگىلگەن ەگىستىك جەردەن 46826 ت ن استىق پەن ءداندى داقىلدار، 850 ت ن بۇرشاقتى داقىلدار، 2020 ت ن مايلى داقىلدار، 26675 ت ن باقشا ونىمدەرى، 92000 ت ن كارتوپ جانە 310151 ت ن كوكونىس ونىمدەرى الىنعان.

اۆتور: اينۇر اقبايەۆا