USD 425.02 EUR 450.1
RUB 7.17 CNY 63.75
جاڭالىقتار

قاسىم- جومارت توقايەۆ: بيزنەس پەن مەملەكەت اراسى الشاقتاپ بارادى

21 قاڭتار 15:41
:ءبولىسۋ
قاسىم- جومارت توقايەۆ: بيزنەس پەن مەملەكەت اراسى الشاقتاپ بارادى

نۇر- سۇلتان. قازاقپارات - پرەزيدەنت قاسىم- جومارت توقايەۆ ۇكىمەتكە شاعىن جانە ورتا بيزنەسكە جۇكتەلگەن قاتاڭ كارانتيندىك شارالاردى قايتا قاراۋدى تاپسىردى، دەپ حابارلايدى قازاقپارات ءتىلشىسى.

مەملەكەت باسشىسىنىڭ ايتۋىنشا، مەملەكەت پەن شاعىن جانە ورتا بيزنەس اراسىنداعى سەنىمسىزدىك ارتىپ كەلەدى. اسىرەسە COVID-19-عا بايلانىستى كارانتين شارالارى قاتاڭداتىلۋى جاعدايدى ۋشىقتىرا تۇسكەن.

«ايتپاقشى، ءبىز وميكرون تۇرىندەگى COVID ىندەتى جالپىعا ورتاق قۇبىلىسقا اينالادى دەگەن توقتامعا كەلدىك. حالىقتىڭ باسىم بولىگى قايتكەن كۇندە دە وميكرونمەن اۋىرۋعا ءماجبۇر بولاتىن سياقتى. مۇنداي جاعدايدا شاعىن جانە ورتا بيزنەسكە جۇكتەلگەن، اسىرەسە قىزمەت كورسەتۋ سالاسىنداعى قاتاڭ كارانتيندىك شارالاردىڭ قانشالىقتى ۇتىمدى، ىسكە جارامدى ەكەنىن زەردەلەۋ قاجەت. ۇكىمەتكە ايتارىم - وسىنىڭ ءبارى قايتا قاراڭىزدار. جاعداي وسىلاي ءوربيتىن بولسا، نەسىنە شاعىن جانە ورتا بيزنەستى تۇنشىقتىرىپ، ەكونوميكادا تەڭسىزدىك جاساۋىمىز كەرەك؟»، - دەدى مەملەكەت باسشىسى قازاقستاننىڭ ءىرى بيزنەسمەندەرىمەن كەزدەسۋىندە.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات