توقايەۆ قىزمەتشىلەردىڭ ءبىر كۇندىك جالاقىسىن «قازاقستان حالقىنا» قورىنا اۋدارۋ باستاماسىن سىنادى

None
None
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ «قازاقستان حالقىنا» قارجى اۋدارىپ ۇلگەرگەن بيزنەس وكىلدەرىنە ريزاشىلىعىن ءبىلدىردى، دەپ حابارلايدى قازاقپارات ءتىلشىسى.

«مەملەكەتتىك ءىس- ارەكەتىن سىناۋشىلار بارلىق ۋاقىتتا كوپ بولدى جانە بولا دا بەرەدى. مۇنان ارى نە ىستەۋ كەرەكتىگىن بىرلەسىپ انىقتايىق جانە بىرگە رەفورما جاساۋدى باستايمىز. سوزدەن ىسكە كوشەتىن كەز كەلدى»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋ بارىسىندا.

ق ر پرەزيدەنتى ۇندەۋىنە دەن قويىپ، «قازاقستان حالقىنا» قورىنا قارجى اۋدارىپ ۇلگەرگەن بيزنەس وكىلدەرىنە ريزاشىلىعىن ءبىلدىرىپ ءوتتى.

«وسىناۋ يگىلىكتى ءىس - ەڭ جوعارى باعاعا لايىق. ءبىراق، بۇل جەردە فورماليزم مۇلدەم بولماۋى ءتيىس. ايتپەسە، مەملەكەتتىك قىزمەتشىلەردەن، بيۋدجەت قىزمەتكەرلەرىنەن ءبىر كۇندىك جالاقى جيناي باستادى. مۇنى جاساۋدىڭ قاجەتى جوق. بۇل - مۇلدەم قاجەتسىز باستاما. تاعى دا قايتالاپ ايتامىن، بۇل بيۋدجەتتىك قور ەمەس. بۇل - قازاقستان حالقىنىڭ قورى. سوندىقتان ونىڭ جۇمىسى ۇزاققا سوزىلاتىن بيۋروكراتيالىق پروتسەدۋراسىز بولۋى ءتيىس. بۇل جۇمىس مۇلدەم اشىق بولادى. بارلىق ءىرى كومپانيا جىل سايىن قورعا سالىق سالىناتىن كىرىسىنىڭ پايىزىن اۋدارىپ وتىرادى. قور پايدالى قايىرىمدىلىق ىسپەن اينالىسادى. بيزنەس قوعامداستىق بۇل باستامانى شىنايى قولدايدى دەپ ۇمىتتەنەمىن»، دەدى قاسىم- جومارت توقايەۆ.

اۆتور: مارلان جيەمباي

سوڭعى جاڭالىقتار