قاسىم- جومارت توقايەۆ قازاقستاننىڭ ەكونوميكالىق ساياساتىنداعى باستى قاتەلىكتى اتادى
نۇر- سۇلتان. قازاقپارات - ەل دامۋىنداعى وڭ وزگەرىستەر كوپ جاعدايدا بيزنەسكە بايلانىستى. بۇل تۋرالى ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«ءارتاراپتاندىرىلعان ەكونوميكا قۇرۋ مىندەتى ءالى دە وزەكتى. بىردە ءبىر تۇراقتى ەكونوميكا قۋاتتى وندىرىستىك سەكتورسىز تىرشىلىك ەتە المايدى. يندۋستريالاندىرۋدىڭ بالاماسىزدىعى تۋرالى تەزيس وتكىرلىگىن جوعالتقان جوق. ونداعان جىلدىق جۇمىس بارىسىندا ىلگەرىلەۋ نەلىكتەن ورىن المادى؟ باستى قاتەلىك مۇنىمەن نەگىزىنەن مەملەكەت اينالىستى»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
ق ر پرەزيدەنتىنىڭ اتاپ وتۋىنشە، قۇرىلىمدىق، ونىڭ ىشىندە كۆازيمەملەكەتتىك قۇرىلىمدارعا قاتىستى پروبلەمالاردى شەشۋگە قوماقتى قاراجات جۇمسالدى.
«دەگەنمەن، باستامالار بيزنەستەن، ءبىرىنشى كەزەكتە ءىرى بيزنەستەن شىعۋى ءتيىس بولاتىن. ءبىراق، بۇل ورىن المادى. مەملەكەتتىك سەكتور قانداي ءىرى بولسا دا، بۇل تەك قانا مەملەكەتتىڭ ەكونوميكالىق جۇيەسىنىڭ ءبىر بولىگى عانا. رەسپۋبليكالىق بيۋدجەتتىڭ شىعىس بولىگى بارلىق ستاتيالارمەن زەينەتاقى، مەملەكەتتىك مىندەتتەمە جانە دامۋ بيۋدجەتى شامامەن 15 تريلليون تەڭگەنى نەمەسە جالپى ىشكى ءونىمنىڭ 20 پايىزىن قۇرايدى. قالعانىنىڭ بارلىعى نارىقپەن، ۇلكەن جانە كىشى كاسىپورىندارمەن قالىپتاسادى. سوندىقتان دا تاعى دا قايتالاپ ايتامىن، ەل دامۋىنداعىى وڭ وزگەرىستەر كوپ جاعدايدا بيزنەسكە بايلانىستى بولادى»، - دەپ اتاپ ءوتتى قاسىم- جومارت توقايەۆ.
اۆتور: مارلان جيەمباي
- ا ق ش مەملەكەت حاتشىنىڭ كومەكشىسى قازاقستانعا كەلەدى
- قارۋلى كۇشتەردەگى تاربيە جانە يدەولوگيا جۇمىستارى تۇبەگەيلى قايتا قارالماق
- رەفەرەندۋمدا داۋىس بەرەتىن قازاقستاندىقتار نەنى ءبىلۋى كەرەك
- سەنات ءتوراعاسى قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ توراعاسىمەن كەزدەستى
-
اۋىل شارۋاشىلىعى مينيسترلىگى جايىلىم جەرلەرىن ءادىل ءبولۋدىڭ جاڭا تەتىگىن ازىرلەپ جاتىر
-
بيولوگيالىق قاۋىپسىزدىك تۋرالى زاڭعا قول قويىلدى