USD 429.57 EUR 447.35
RUB 6.94 CNY 63.23
جاڭالىقتار

اتامەكەن: كاسىپكەرلەردەن زالالدى وتەۋگە ءوتىنىم قابىلدانا باستادى

21 قاڭتار 12:28
:ءبولىسۋ
اتامەكەن: كاسىپكەرلەردەن زالالدى وتەۋگە ءوتىنىم قابىلدانا باستادى

الماتى. قازاقپارات - «اتامەكەن» ۇلتتىق كاسىپكەرلەر پالاتاسى كاسىپكەرلەرگە كەلگەن زالالدى وتەۋگە InfoKazakhstan.kz پلاتفورماسىندا ەلەكتروندى وتىنىمدەردى قابىلداي باستادى، دەپ حابارلايدى قازاقپارات ءتىلشىسى.

«اتامەكەن» ۇلتتىق كاسىپكەرلەر پالاتاسىنىڭ مالىمەتىنشە، بۇل شارا ۇكىمەت بەكىتكەن 2022 -جىلعى قاڭتارداعى جەكەلەگەن وڭىرلەردەگى تارتىپسىزدىكتەر سالدارىنان شاعىن جانە ورتا كاسىپكەرلىك سۋبەكتىلەرىنە كەلگەن مۇلىكتىك زالالدى وتەۋ مەحانيزمىنە سايكەس ىسكە اسىرىلادى. ەسكە سالساق، زالالدى وتەۋ تۋرالى ءوتىنىش ە س ق كومەگىمەن infokazakhstan.kz سايتى ارقىلى بەرىلەدى.

مەحانيزمگە سايكەس زالالدى وتەۋ تۋرالى وتىنىشتەردى وڭىرلىك كوميسسيالار كۇنتىزبەلىك 5 كۇن ىشىندە قارايدى. ءوتىنىش ماقۇلدانعان جاعدايدا ۇسىنىلعان مالىمەتتەر مەن قۇجاتتار نەگىزىندە وڭىرلىك كوميسسيا ايقىندايتىن مولشەردە قاراجات ءبولۋ تۋرالى شەشىم شىعارىلادى. قارجى قازاقستان رەسپۋبليكاسىنىڭ بيۋدجەتتىك راسىمدەرىنە سايكەس مۇلىك يەسىنىڭ وتىنىشىندە كورسەتىلگەن اعىمداعى نەمەسە جيناق شوتىنا ءتيىستى شەشىم قابىلدانعان كۇننەن باستاپ ءبىر اي ىشىندە ءوتىنىش بەرۋشىگە اۋدارىلادى دەپ بولجانادى.

«زارداپ شەككەن كاسىپكەرلەردىڭ نازارىنا! زالالدى وتەۋگە ءوتىنىش بەرەر الدىندا وسى سىلتەمەگە كىرىپ، نۇسقاۋلىقپەن تانىسۋىڭىزدى سۇرايمىز، سونداي- اق قاجەتتى قۇجاتتاردىڭ تولىقتىعىنا كوز جەتكىزۋ كەرەك. قۇجاتتار توپتاماسى تولىق ۇسىنىلماعان جاعدايدا وڭىرلىك كوميسسيا مۇلىكتىك زالالدى وتەۋدەن باس تارتۋ تۋرالى شەشىم شىعارادى. كاسىپكەرلەرگە ىڭعايلى بولۋ ءۇشىن «اتامەكەن» ۇ ك پ زالالدى وتەۋ بويىنشا ءىس- قيمىل الگوريتمىن دايىندادى. وندا زالالدى وتەۋگە ءوتىنىش بەرۋ قادامدارى سيپاتتالعان» دەلىنگەن «اتامەكەن» ۇ ك پ تاراتقان حابارلامادا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات