ەۋروپارلامەنت دەپۋتاتى: قازاقستان - ەۋروپا وداعىنىڭ ماڭىزدى سەرىكتەسى

بريۋسسەل- ستراسبۋرگ. قازاقپارات - ەۋروپارلامەنتتەگى «ە و- قازاقستان» دوستىق توبىنىڭ جەتەكشىسى رىشارد چارنەتسكي ەۋروپا وداعى مەن قازاقستان رەسپۋبليكاسى اراسىنداعى قارىم- قاتىناسقا قاتىستى پىكىر ءبىلدىردى.

«ەڭ الدىمەن، ءبىز قازاقستاندا ادامدار ولىمىنە بايلانىستى قايعىرىپ كوڭىل ايتامىز. ءبىز ودان ءارى شيەلەنىسۋدىڭ الدىن الۋ، زورلىق- زومبىلىققا كەز كەلگەن ارانداتۋشىلىقتاردى بولدىرماۋ، ۇستامدىلىق تانىتۋ جانە تارتىپسىزدىكتى باسقا ماقساتتاردا پايدالانۋ ارەكەتتەرىنە توسقاۋىل قويۋ ماڭىزدى ەكەنىن ەستە ۇستاۋىمىز كەرەك. قازاقستان - ەۋروپا وداعىنىڭ ماڭىزدى سەرىكتەسى، ونىمەن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىم ورناتىلعان. وڭىردەگى تۇراقتىلىق ە و مەن قازاقستان اراسىنداعى بولاشاق ەكونوميكالىق قاتىناستار ءۇشىن شەشۋشى مانگە يە. ەۋروپالىق پارلامەنت مۇشەسى جانە ە و- قازاقستان دوستىق توبىنىڭ ءتوراعاسى رەتىندە مەن تۇرقتىلىققا قايتىپ ورالۋدىڭ ءپوزيتيۆتى جولىن تابۋدا ءوز قولداۋىمدى ۇسىنامىن» دەيدى ول.