س ءى م ەۋروپارلامەنتتىڭ ەلىمىزدەگى جاعدايعا قاتىستى قابىلداعان قارارىن ءبىرجاقتى دەپ سانايدى
«ەلىمىزدە ورىن العان قاڭتارداعى قايعىلى وقيعالارعا وبەكتيۆتى باعالاۋدىڭ بولماۋى الاڭداۋشىلىق تۋعىزادى. قازاقستان رەسپۋبليكاسىنىڭ باسشىلىعى تاپسىرعان رەسمي تەرگەپ- تەكسەرۋ ناتيجەلەرى جاريالانعانعا دەيىن مۇنداي قۇجاتتاردى قابىلداۋ قيسىنسىز دەپ سانايمىز. ونىڭ ناتيجەلەرى حالىقارالىق قوعامداستىققا ۇسىنىلاتىنىن تاعى دا راستايمىز. قارار جوباسىن ازىرلەۋ كەزىندە ەۋروپالىق پارلامەنت دەپۋتاتتارى مەن ونىڭ قۇرامىنداعى ساياسي توپتار قازاقستاننىڭ رەسمي تۇلعالارىنان ناقتىلاما اقپاراتتار مەن تۇسىندىرۋلەر سۇراماعانىن اتاپ وتەمىز» دەلىنگەن حابارلامادا.
ۆەدومستۆو مالىمدەمەسىنە سەنسەك، ق ر ادام قۇقىقتارى جونىندەگى ۋاكىلى جانە مەملەكەتتىك ورگاندارمەن تىكەلەي ديالوگ جۇرگىزەتىن ازاماتتىق قوعام ينستيتۋتتارى دا اتالعان قۇجات اۆتورلارىنىڭ ولارعا جۇگىنبەگەنىن ايتقان. ق ر سىرتقى ىستەر مينيسترلىگىنىڭ ءبىرقاتار شەتەلدىك بۇقارالىق اقپارات قۇرالدارىنىڭ قۇقىق قورعاۋ ورگاندارىنىڭ تەرروريستىك، ەكسترەميستىك جانە قىلمىستىق توپتارعا قارسى زاڭدى ارەكەتتەرىن سيپاتتايتىن جاريالانىمدارىندا ايتارلىقتاي قايشىلىقتار مەن ناقتى ەمەس تۇستار بار ەكەنى تۋرالى بۇرىن ايتىلعان ۇستانىمى ەلەنبەگەن.
«قازاقستان ب ۇ ۇ- نىڭ ادام قۇقىقتارى جونىندەگى كەڭەسىنىڭ، بەدەلدى حالىقارالىق ۇيىمداردىڭ مۇشەسى رەتىندە، گۋمانيتارلىق قۇقىق سالاسىنداعى كوپجاقتى كەلىسىمدەردىڭ قاتىسۋشىسى بولا وتىرىپ، زاڭنىڭ ۇستەمدىگىنە جانە ازاماتتاردىڭ قۇقىقتارى مەن بوستاندىقتارىن قورعاۋ سالاسىنداعى ءوز مىندەتتەمەلەرىنە تولىقتاي بەيىلدى. ەلىمىز سونداي- اق حالىقارالىق تەرروريزمگە قارسى كۇرەستى قوسا العاندا، جاھاندىق جانە وڭىرلىك قاۋىپسىزدىكتى قامتاماسىز ەتۋ ۇدەرىسىنە قوماقتى ۇلەس قوسىپ كەلەدى. قازاقستان رەسپۋبليكاسى ەۋروپالىق وداقتىڭ بارلىق ينستيتۋتتارىمەن ءوزارا تۇسىنىستىك جانە قۇرمەت قاعيداتتارى نەگىزىندە ءوزارا سىندارلى ءىس- قيمىل جاساۋعا مۇددەلى. ەۋروپالىق پارلامەنتتىڭ اتالعان قارارىن اسىعىس قابىلداۋى دەموكراتيالىق ينستيتۋتتاردى نىعايتۋ جانە ازاماتتىق قوعامنىڭ دامۋىنا باعىتتالعان ق ر پرەزيدەنتىنىڭ رەفورمالارىن قابىلداۋ جانە جۇزەگە اسىرۋ ۇدەرىسىنە كەرى اسەر ەتەدى جانە زيان كەلتىرەدى» دەدى س ءى م مالىمدەمەسىندە.
ەسكە سالا كەتەيىك، كەشە فرانسيانىڭ ستراسبۋرگ قالاسىندا ەۋروپا پارلامەنتىنىڭ بيىلعى العاشقى پلەنارلىق وتىرىسى ءوتىپ، وندا قازاقستانداعى قاڭتار وقيعالارى تالقىلاندى. جيىننان كەيىن ارنايى قارار قابىلداندى.