USD 425.02 EUR 450.1
RUB 7.17 CNY 63.75
جاڭالىقتار

قازاق- قىتاي شەكاراسى شتاتتىق رەجيمدە جۇمىس ىستەپ تۇر

21 قاڭتار 09:22
:ءبولىسۋ
قازاق- قىتاي شەكاراسى شتاتتىق رەجيمدە جۇمىس ىستەپ تۇر

نۇر- سۇلتان. قازاقپارات - قازاقستان- قىتاي شەكاراسىنداعى تەكسەرۋلەر تاۋارلاردى كەدەندىك شەكارا ارقىلى زاڭدى تۇردە وتكىزۋگە كەدەرگى كەلتىرمەيدى.

بۇل تۋرالى مەملەكەتتىك كىرىستەر كوميتەتىنەن ءمالىم ەتتى، دەپ حابارلايدى قازاقپارات.

قازىرگى ۋاقىتتا مەملەكەت باسشىسىنىڭ تاپسىرماسى شەڭبەرىندە باس پروكۋراتۋرا، قارجى مونيتورينگى اگەنتتىگى جانە قارجى مينيسترلىگى وكىلدەرىنەن ارنايى قۇرىلعان جۇمىس توبى قازاق- قىتاي شەكاراسىندا تەكسەرۋ جۇرگىزىپ جاتىر. تەكسەرۋ تەك قانا ۋاكىلەتتى ەكونوميكالىق وپەراتور مارتەبەسى بار يمپورتتاۋشىلارعا قاتىستى. تەكسەرۋ قورىتىندىسى بويىنشا قازاقستان رەسپۋبليكاسىنىڭ زاڭناماسىندا كوزدەلگەن شارالار قابىلدانادى. بۇل تەكسەرۋلەر تاۋارلاردى كەدەندىك شەكارا ارقىلى زاڭدى تۇردە وتكىزۋگە كەدەرگى كەلتىرمەيدى جانە ادال بيزنەس سىرتقى ەكونوميكالىق قىزمەتتى شەكتەۋسىز جۇزەگە اسىرادى.

2021 -جىلدىڭ قورىتىندىسى بويىنشا نارىقتا ق ح ر- مەن يمپورتتىق وپەراتسيالاردى جۇزەگە اسىراتىن 7241 سىرتقى ەكونوميكالىق قىزمەتكە قاتىسۋشى بار. ونىڭ ىشىندە 17 سۋبەكتى – ۋ ە و، ولارعا يمپورتتىڭ بارلىق كولەمىنىڭ %18 تيەسىلى. بۇل رەتتە 5 ۋ ە و - ءوز مۇقتاجدىعى ءۇشىن ونىمدەردى يمپورتتايتىن وندىرىستىك سەكتور جانە 2 ۋەو كۆازيمەملەكەتتىك سەكتور («قازپوچتا» ا ق جانە «ق ت ج» ا ق ەنشىلەس ۇيىمى - «KTZ Express» ا ق). سونداي- اق «KTZ Express» اق - كەدەندىك وكىل جانە حالىقارالىق ەكسپەديتور. قازاقستان- قىتاي شەكاراسىندا وزىندىك ينفراقۇرىلىمى بار.

ورتالىق ازياداعى ەڭ ءىرى «KTZE- Khorgos Gateway» قۇرعاق پورتىمەن جۇمىس ىستەيدى، سونداي- اق KIF Warehouses ا كلاستى قويمالارى بار. وپەراتوردىڭ باستى ارتىقشىلىعى - تاپسىرىس بەرۋشىلەر ءۇشىن دە، فيسكالدىق ورگاندار ءۇشىن دە اشىق قىزمەتى.

جالپى قازاقستان- قىتاي شەكاراسىنداعى وتكىزۋ پۋنكتتەرى مەن تاۋارلاردى كەدەندىك تازارتۋدىڭ وزگە دە ورىندارى بەلگىلەنگەن جۇمىس رەجيمىنە سايكەس قىزمەتىن جالعاستىرىپ جاتىر.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات