USD 429.57 EUR 447.35
RUB 6.94 CNY 63.23
جاڭالىقتار

بانك سالىمشىلارىنىڭ بارلىق قاراجاتى ساقتاۋلى تۇر - قارجى نارىعىن رەتتەۋ اگەنتتىگى

20 قاڭتار 21:42
:ءبولىسۋ
بانك سالىمشىلارىنىڭ بارلىق قاراجاتى ساقتاۋلى تۇر - قارجى نارىعىن رەتتەۋ اگەنتتىگى

نۇر-سۇلتان. قازاقپارات - قازىرگى ۋاقىتتا بانك سالىمشىلارى ءۇشىن ەش قاۋىپ-قاتەر جوق جانە بانك كليەنتتەرىنىڭ بارلىق قاراجاتى تولىق ساقتاۋلى تۇر.

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتيەۆ ايتىپ بەردى، دەپ حابارلايدى قازاقپارات.

«پرەزيدەنتتىڭ كاپيتالدى ەلدەن زاڭسىز شىعارۋدى قاداعالاۋ جانە جولىن كەسۋ تاپسىرماسىن ورىنداۋ اياسىندا ۇلتتىق بانكتىڭ، قارجى نارىعىن رەتتەۋ اگەنتتىگىنىڭ جانە قارجى مونيتورينگى اگەنتتىگىنىڭ حالىقارالىق تولەمدەر مەن اقشا اۋدارىمدارىن باقىلاۋدى كۇشەيتۋ جونىندەگى بىرلەسكەن بۇيرىعى قابىلداندى. وسى مەحانيزم شەڭبەرىندە ءبىز ءاربىر وپەراتسياداعى كۇدىك بەلگىلەرى بار-جوعىن تەكسەرەمىز. قازىرگى ۋاقىتتا بانك سالىمشىلارى ءۇشىن ەش قاۋىپ-قاتەر جوقتىعىن جانە بانك كليەنتتەرىنىڭ بارلىق قاراجاتى تولىق ساقتاۋلى تۇرعانىن باسا ايتقىم كەلەدى»، - دەدى الەكساندر تەرەنتيەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەردىڭ ايتۋىنشا، «بانك قۇپياسى تۋرالى» زاڭعا سايكەس، جۇمىس تولىق كولەمدە جۇرگىزىلگەننەن كەيىن عانا ەگجەي-تەگجەيلى اقپارات بەرىلەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات