20:28, 20 - قاڭتار 2022 | GMT +6
قاسىم-جومارت توقايەۆ: ءبىز ساياسي جاڭعىرۋعا نەگىزدەلگەن باعىتىمىزدى ەشقاشان وزگەرتپەيمىز
نۇر-سۇلتان. قازاقپارات - قازاقستان حالىقارالىق مىندەتتەمەلەرىنە جانە ادام قۇقىقتارى مەن زاڭ ۇستەمدىگى سالاسىنداعى امبەباپ قاعيداتتارعا بەيىلدىگىن ساقتايدى.
بۇل تۋرالى ق ر پرەزيدەنتى قاسىم-جومارت توقايەۆ تۆيتتەردە جازدى.
«قازاقستان حالىقارالىق مىندەتتەمەلەرىنە جانە ادام قۇقىقتارى مەن زاڭ ۇستەمدىگى سالاسىنداعى امبەباپ قاعيداتتارعا بەيىلدىگىن ساقتايدى. ءبىز ساياسي جاڭعىرۋعا نەگىزدەلگەن باعىتىمىزدى ەشقاشان وزگەرتپەيمىز. حاوس جاعدايىندا دامۋ، تۇراقتىلىقتى ساقتاۋ جانە رەفورمالار جاساۋ مۇمكىن ەمەس. زاڭ مەن ءتارتىپ - تۇراقتىلىعىمىزدىڭ نەگىزى»، - دەدى ق ر پرەزيدەنتى.