مەملەكەت ىشكى نارىقتى ازىق-تۇلىكپەن جانە ەكسپورتپەن قامتاماسىز ەتۋ اراسىنداعى تەڭگەرىمدى ساقتايدى - كوميتەت
بۇل تۋرالى ق ر ساۋدا جانە ينتەگراتسيا مينيسترلىگى ساۋدا كوميتەتىنىڭ ءتوراعاسى ەرجان قازانبايەۆ ءمالىم ەتتى، دەپ حابارلايدى قازاقپارات ءتىلشىسى.
كوميتەت ءتوراعاسىىڭ اتاپ وتۋىنشە، تىيىم سالۋدى ەنگىزۋ تۋرالى شەشىمدى سىرتقى ساۋدا قىزمەتى جونىندەگى ۆەدومستۆوارالىق كوميسسيا قابىلدايدى. وعان مەملەكەتتىك ورگاندار دا، سالالىق قاۋىمداستىقتاردى قوسا العاندا بيزنەس سۋبەكتىلەرى دە قاتىسادى.
بۇل رەتتە ءاربىر تاۋار بويىنشا جاعدايعا تالداۋ جۇرگىزىلەدى، سىرتقى ساۋدا شەكتەۋلەرىن ەنگىزۋ كەزىندە قاجەتتى ەسەپتەر مەن ىقپال ەتۋ بولجامدارى جاسالادى. بارلىق ەسەپتەۋلەر مەن تالقىلاۋلاردان كەيىن عانا شەشىمدەر قابىلدانادى. ياعني، ەنگىزىلگەن ءاربىر شەكتەۋ سيفرلارمەن بەكىتىلەدى.
بيزنەستىڭ نەمەسە مەملەكەتتىك ورگاننىڭ باستاماسى بويىنشا ۆەدومستۆوارالىق كوميسسيا بۇرىن ەنگىزىلگەن شەكتەۋدى الىپ تاستاۋى مۇمكىن. سونىمەن بىرگە، ول الەۋمەتتىك ماڭىزى بار تاۋارلارعا ارنالعان باسىم داقىلدار ءوندىرىسىن ارتتىرۋ بويىنشا جۇمىس جۇرگىزىلىپ جاتقانىن ايتتى.
«ءبىز ەڭ جاقىن كورشىلەرىمىزبەن، كەيبىر كوكونىستەر مەن جەمىستەردىڭ ءداستۇرلى جەتكىزۋشىلەرىمەن پيكتىك ماۋسىمدا ءوزارا ءتيىمدى تاۋار الماسۋ بويىنشا جۇمىس ىستەپ جاتىرمىز»، - دەدى ە. قازانبايەۆ.
بۇدان باسقا، ءوندىرىس-تۇتىنۋ تەڭگەرىمىن ايقىنداۋ ەكسپورتقا باعىتتاۋعا بولاتىن ارتىق ونىمدەردى ايقىنداۋعا مۇمكىندىك بەرەدى. ۇلتتىق تاۋار وتكىزۋ جۇيەسىنىڭ تولىققاندى ىسكە قوسىلۋىمەن شاعىن تاۋار وندىرۋشىلەر بەلسەندى ساۋدا پروتسەسىنە قوسىلۋدا. ولاردى زاماناۋي، وركەنيەتتى ساۋداعا تارتۋ ىشكى نارىقتى عانا ەمەس، سونىمەن قاتار ەكسپورتتىق الەۋەتتى دە قامتاماسىز ەتۋ كورىنىسىن وزگەرتۋگە مۇمكىندىك بەرەدى.
بۇل جاعدايدا فەرمەرلەر الاتىن قوسىمشا تابىس قايتادان ءوندىرىس كولەمىن ارتتىرۋعا اينالادى.
«وسىلايشا، ءبىر جاعىنان، ساۋدا ينفراقۇرىلىمىن قوسا العاندا، تاۋار ءوندىرىسى مەن ىشكى ساۋدانى دامىتا وتىرىپ ءبىز ەكسپورتتى دامىتۋعا دا ىقپال ەتەمىز. ال ەكسپورتقا باعدارلانا وتىرىپ، يمپورتتى الماستىرۋ مەن ىشكى نارىقتى قامتاماسىز ەتۋدى دە ىنتالاندىرامىز»، - دەدى ساۋدا جانە ينتەگراتسيا مينيسترلىگىنىڭ وكىلى.