ۇكىمەتتىك كوميسسيا الماتى قالاسى مەن الماتى وبلىسىن قالپىنا كەلتىرۋ جۇمىستارىمەن تانىستى

None
None
نۇر-سۇلتان. قازاقپارات - ق ر پرەمەر-ءمينيسترىنىڭ ءبىرىنشى ورىنباسارى رومان سكليار تارتىپسىزدىكتەر سالدارىنان كەلتىرىلگەن زالالدى وتەۋ جانە قالپىنا كەلتىرۋ ماسەلەلەرىنىڭ بارىسىمەن تانىسۋ ماقساتىندا الماتى قالاسى مەن الماتى وبلىسىنا جۇمىس ساپارىمەن باردى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.

الماتى قالاسىنىڭ اكىمى باقىتجان ساعىنتايەۆ بۇگىنگى تاڭدا قالادا كولىك قاتىناسى مەن ازىق-تۇلىك كاسىپورىندارى شتاتتىق رەجيمدە جۇمىس ىستەپ تۇرعانىن، جول ينفراقۇرىلىمىن قالپىنا كەلتىرۋ بويىنشا قارقىندى جۇمىستار جۇرگىزىلىپ جاتقانىن حابارلادى.

27 قالالىق عيماراتتى جوندەۋ-قالپىنا كەلتىرۋ جۇمىستارىن جۇرگىزۋ قاجەت، ونىڭ ىشىندە 10 مەملەكەتتىك جانە جەكە مەنشىك مۇلىك نىساندارى بيۋجەت قاراجاتى ەسەبىنەن قايتا جاڭارتىلاتىن بولادى.

قالعان 17 نىسانعا كەلتىرىلگەن زالال ۇلكەن ەمەس، ولار بيزنەستىڭ الەۋمەتتىك جاۋاپكەرشىلىگى اياسىندا قالپىنا كەلتىرىلەدى. قالادا 20 قۇرىلىس كومپانياسىنىڭ كۇشىمەن 9 نىساندى تازالاۋ جۇمىستارى جۇرگىزىلدى، 800 گە جۋىق ادام جانە 40 بىرلىكتەن استام ارنايى تەحنيكا تارتىلدى.

سونداي-اق، بەينەباقىلاۋ كامەرالارىن قالپىنا كەلتىرۋ جۇمىستارى جۇرگىزىلۋدە. قازىرگى ۋاقىتتا بۇلىنگەن 587 بەينەباقىلاۋ كامەراسىنىڭ 434 ءى قالپىنا كەلتىرىلدى. بارلىق بەينەباقىلاۋ كامەرالارىن قالپىنا كەلتىرۋ جۇمىستارى 21- قاڭتاردا اياقتالادى. سونىمەن قاتار Open Almaty قوعامدىق قابىلداۋى بازاسىندا تارتىپسىزدىكتەردەن زارداپ شەككەن شوب وكىلدەرىنە كەلتىرىلگەن زالالدى وتەۋ ماسەلەلەرى بويىنشا جەدەل جەلى قۇرىلدى.

تالدىقورعان قالاسىندا كوميسسيا الماتى وبلىسىنىڭ اكىمى ق. بوزىمبايەۆپەن بىرگە 2 مادەنيەت نىسانىن جوندەۋ جۇمىستارىنىڭ اياقتالۋىن تەكسەردى. مەملەكەتتىك ورگانداردىڭ 5 عيماراتىن قالپىنا كەلتىرۋ باستالدى. جۇمىسقا 400-دەن استام ادام جانە 14 بىرلىك تەحنيكا تارتىلدى.

«اتامەكەن» ۇ ك پ مالىمەتى بويىنشا وڭىردە 141 كوممەرتسيالىق نىسان زارداپ شەككەن. 120 دان استام شوب ۇيىمدارى قالپىنا كەلتىرۋ جۇمىستارىن اياقتاپ، وزدەرىنىڭ نەگىزگى قىزمەتىنە كىرىستى.

الماتى وبلىسى بويىنشا كەلتىرىلگەن زالالدىڭ جالپى سوماسى 16,1 ميلليارد تەڭگەنى قۇرادى. ر. سكليار وڭىرلەردى قالپىنا كەلتىرۋ جانە ولاردىڭ تىنىس-تىرشىلىگىن جاقسارتۋ بويىنشا قارقىندى جۇمىستى جالعاستىرۋدى تاپسىردى.

سوڭعى جاڭالىقتار