الماتىدا حالىقتىڭ الەۋمەتتىك وسال توپتارى گازعا تەگىن قوسىلادى

None
None
الماتى. قازاقپارات - الماتىدا حالىقتىڭ الەۋمەتتىك وسال توپتارى گازعا تەگىن قوسىلادى.

بۇل تۋرالى شاھار اكىمى باقىتجان ساعىنتايەۆ قالالىق اكتيۆ وتىرىسىندا ايتتى، دەپ حابارلايدى قازاقپارات ءتىلشىسى.

قالا اكىمى كەلتىرگەن دەرەككە سۇيەنسەك، الماتىدا 2 جىل ىشىندە گازبەن جابدىقتاۋ جەلىلەرىنە 3,8 مىڭنان استام تۇرعىن ءۇي قوسىلدى. بۇگىندە تۇرعىنداردىڭ %99,2 ورتالىقتاندىرىلعان گازبەن قامتىلعان.

«قازىرگى ۋاقىتتا 1497 تۇرعىن ءۇي، ونىڭ ىشىندە حالىقتىڭ الەۋمەتتىك وسال توپتارى گازعا قوسىلماعان كۇيىندە قالىپ وتىر. قالا بيۋدجەتى ەسەبىنەن حالىقتىڭ الەۋمەتتىك وسال توپتارىن گازعا تەگىن قوسامىز»، - دەدى اكىم.

سونىمەن قاتار، ول «جاڭا الماتى» ىرگەلەس ايماقتاردى دامىتۋدىڭ كەشەندى جوسپارى اياسىندا 428 جوبا ىسكە اسىرىلىپ جاتقانىن اتاپ ءوتتى.

«2 جىل ىشىندە 178 جوبا ىسكە اسىرىلدى، 177 جوبا ىسكە اسىرىلۋ ساتىسىندا، 73 جوبا كەلەسى جىلعا كوزدەلگەن. جوسپار بويىنشا جىل سايىنعى قارجىلاندىرۋ شامامەن 200 ميلليارد تەڭگە. بۇگىندە ۇكىمەتپەن جوسپار جوبالارى بويىنشا قارجىلاندىرۋدى ۇلعايتۋ ماسەلەسىن تالقىلاۋدامىز»، - دەدى باقىتجان ساعىنتايەۆ.

سونداي-اق ول قالانىڭ كوممۋندالدىق ينفراقۇرىلىمىن دامىتۋ جۇمىستارى جالعاسىن تاباتىنىن جەتكىزدى.

«2021-جىلى رىسقۇلوۆ - ەمتسوۆ جول ايرىعىنىڭ قۇرىلىسى اياقتالدى، الاتاۋ كوشەسىن تەسۋ، اباي بويىنشا قوزعالىس اشىلدى، تاۋسامالى شاعىناۋدانىندا قونايەۆ كوشەسىن قايتا جاڭارتۋ اياقتالدى، الاتاۋ، ناۋرىزباي جانە تۇركسىب اۋداندارىنىڭ 8 شاعىن اۋدانىندا، اتاپ ايتقاندا العاباس، شاڭىراق-5، سامعاۋ، وجەت، المەرەك، قايرات، نۇرشاشقان، قۇرامىستا 65 شاقىرىمدى جاڭا جول سالىندى»، - دەدى اكىم.

باقىتجان ساعىنتايەۆ بيىل بۇقتىرما - قۇلجا جول ايرىعى بويىنشا جۇمىستار اياقتالاتىنىن جەتكىزدى.

«سونىمەن قاتار سەيفۋللين - جانسۇگىروۆ قيىلىسىنداعى قوزعالىس اشىلادى. اۋەزوۆ كوشەسىن ۇزارتۋ جۇمىستارى اياقتالادى، سايىن كوشەسىن ۇزارتۋ جالعاسادى، تولە بي كوشەسىن ۇزارتۋ جۇمىستارى باستالادى. العاباس، المەرەك، قايرات، شۇعىلا، اقجار جانە شاپاعات شاعىن اۋداندارىندا 100 ك م جاڭا جول سالىنادى»، - دەپ قوستى شاھار باسشىسى.

سوڭعى جاڭالىقتار