اقپارات جانە قوعامدىق دامۋ ءمينيسترى باس مۇفتيمەن كەزدەستى

None
None
نۇر-سۇلتان. قازاقپارات - اقپارات جانە قوعامدىق دامۋ ءمينيسترى اسقار ۋماروۆ باس ءمۇفتي ناۋرىزباي قاجى تاعان ۇلىمەن كەزدەستى.

كەزدەسۋ بارىسىندا قازاقستان مۇسىلماندارى ءدىني باسقارماسىنىڭ قىزمەتىنە قاتىستى وزەكتى ماسەلەلەر تالقىلاندى.

​​اڭگىمە بارىسىندا تاراپتار قوعامداعى دەسترۋكتيۆتى ءدىني اعىمداردىڭ يدەولوگياسىنا قارسى ءىس-قيمىل بويىنشا سىندارلى پىكىر الماستى. سونداي-اق، اقپارات تاراتۋدىڭ ءتۇرلى ارنالارىن، اتاپ ايتقاندا ب ا ق، الەۋمەتتىك جەلى، مەسسەندجەرلەر، كىتاپتار جانە ت. ب. قۇرالداردى پايدالانا وتىرىپ، ءمۇفتياتتىڭ اعارتۋ جۇمىسىنىڭ ساپاسىن جاھاندىق ترەندتەرگە سايكەس جاڭا دەڭگەيگە كوتەرۋ تۋرالى دا ءسوز بولدى.

مينيستر قاڭتارداعى قايعىلى وقيعالار كەزىندە مۇسىلمان قاۋىمعا ۇندەۋ جاساپ، جۇرتتى بىرلىككە، بەيبىتشىلىكتى ساقتاۋعا شاقىرعان ازاماتتىق ۇستانىمى ءۇشىن باس مۇفتيگە زور العىس ءبىلدىردى.

«قازاقستان مۇسىلماندارى ءدىني باسقارماسى ەلىمىزدەگى كونفەسسياارالىق كەلىسىمدى نىعايتۋعا ىقپال ەتە وتىرىپ، ۇدايى حالقىمىزدى رۋحاني قۇندىلىقتار توڭىرەگىنە توپتاسۋعا ۇندەپ كەلەدى»، - دەپ اتاپ ءوتتى ا. ۋماروۆ.

كەزدەسۋ قورىتىندىسى بويىنشا تاراپتار مينيسترلىك پەن قازاقستان مۇسىلماندارى ءدىني باسقارماسى اراسىنداعى تىعىز ىنتىماقتاستىقتى ودان ءارى جالعاستىرۋعا دايىن ەكەندىكتەرىن ءبىلدىردى.

سوڭعى جاڭالىقتار