الماتىدا سودىرلاردىڭ شابۋىلىنان كەيىنگى پوليتسيا عيماراتى كورسەتىلدى

الماتى. قازاقپارات - الماتى قالالىق پوليتسيا دەپارتامەنتى سودىرلاردىڭ شابۋىلىنان كەيىنگى پوليتسيا عيماراتتارىنىڭ ۆيدوسىن جاريالادى، دەپ حابارلايدى قازاقپارات ءتىلشىسى.

بۇرىن حابارلانعانداي، 6- قاڭتارعا قاراعان ءتۇنى قالانىڭ پوليتسيا دەپارتامەنتىنە، اۋەزوۆ، المالى، بوستاندىق، مەدەۋ، جەتىسۋ اۋداندارىنىڭ پوليتسيا باسقارمالارىنا، سونداي-اق المالى اۋداندىق پوليتسيا باسقارماسى جانىنداعى پوليتسيا بولىمىنە قارۋلى شابۋىل جاسالدى.

«شابۋىلشىلار اۆتومات، گراناتا، «مولوتوۆ» كوكتەيلدەرىن جانە باسقا دا اتىس قارۋلارىن قولداندى. الماتى قالالىق پوليتسيا دەپارتامەنتىنە ساعات 20:00 دەن 05:00 گە دەيىن بارلىعى 27 شابۋىل جاسالدى. وكىنىشكە وراي، المالى اۋداندىق پوليتسيا باسقارماسى جانىنداعى پوليتسيا ءبولىمىنىڭ عيماراتىنا جاسالعان شابۋىلدى تويتارۋ كەزىندە ەكى پوليتسەي قازا تاپتى»، - دەلىنگەن حابارلامادا.

قانات تايمەردەنوۆتىڭ ايتۋىنشا، سودىرلار ءتارتىپ ساقشىلارىنىڭ قارۋدى تاستاپ، بەرىلۋىن تالاپ ەتكەن.