مەملەكەت باسشىسى تولەۋبەك ارالبايدىڭ تۋىستارىنا كوڭىل ايتتى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.
قاسىم-جومارت توقايەۆ تەاتر جانە كينو اكتەرى، قازاقستاننىڭ ەڭبەك سىڭىرگەن ءارتىسى تولەۋبەك مۇحامەدجان ۇلى ارالبايدىڭ دۇنيەدەن وتۋىنە بايلانىستى ونىڭ جاقىندارى مەن تۋىستارىنا كوڭىل ايتتى.
«تولەۋبەك مۇحامەدجان ۇلى قازاق ونەرىنىڭ قارا شاڭىراعى م. اۋەزوۆ اتىنداعى اكادەميالىق دراما تەاترىندا ۇزاق جىلدار قاجىرلى ەڭبەك ەتتى. وتاندىق كينو مەن تەلەسەريالداردىڭ ءسانىن كىرگىزىپ، اكتەرلىك شەبەرلىگىمەن كورەرمەندەر كوزايىمىنا اينالدى. ۇستاز رەتىندە كوپتەگەن تالانتتاردىڭ جولىن اشتى. تەاتر جانە كينو ونەرىن وركەندەتۋگە مول ۇلەس قوسقان تولەۋبەك مۇحامەدجان ۇلىنىڭ جارقىن بەينەسى ۇمىتىلمايدى. مارقۇمنىڭ يمانى سالامات، جانى ءجانناتتا بولسىن»، - دەلىنگەن جەدەلحاتتا.
بۇدان بۇرىن حابارلانعانداي تەاتر جانە كينو اكتەرى تولەۋبەك ارالباي دۇنيەدەن ءوتتى.