الماتىدا زارداپ شەككەن كاسىپكەرلەرگە پايىزى تومەن نەسيە بەرىلەدى
بۇل تۋرالى شاھار باسشىسى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
الماتىنى ودان ءارى دامۋى جونىندەگى قالالىق اكتيۆ وتىرىسىندا قالا اكىمى بۇلىك كەزىندە زارداپ شەككەن بيزنەس وكىلدەرىن قولداۋ ءۇشىن قالالىق «الماتى بيزنەس-2025» باعدارلاماسىنا ءبىرقاتار وزگەرىس ەنگىزىلەتىنىن جەتكىزدى.
«زارداپ شەككەن شاعىن جانە ورتا بيزنەس سۋبەكتىلەرىن قولداۋ ماقساتىندا % 2- ى كرەديت تاعايىندالادى. شەكتى سوماسى 10 ميلليون تەڭگەگە دەيىنگى كرەديتتىڭ مەرزىمى 12 اي. سونداي- اق Infokazakhstan.kz پورتالىنا جۇگىنگەن كاسىپكەرلەردىڭ كرەديتى مەن ءوسىمپۇلى 180 كۇنگە دەيىن شەگەرىلەدى. بۇكىل كاسىپكەرلەردى قولداۋ ماقساتىندا جارتى جىلعا دەيىن كرەديت بەرۋدىڭ جوعارى شەگى ساقتالادى. وعان قوسا كەپىلسىز كرەديتتىڭ جىلدىق مولشەرلەمەسى تومەندەيدى، ياعني 12 پايىزدان % 9- عا دەيىن»، - دەدى باقىتجان ساعىنتايەۆ.
بۇعان دەيىن ول الماتىدا زارداپ شەككەن كاسىپكەرلەر 3 اي كوممۋنالدىق قىزمەت اقىسىن تولەمەيتىنىن ايتقان بولاتىن.
اۆتور: الما مۇقانوۆا