USD 416.91 EUR 446.47
RUB 7.34 CNY 62.53
جاڭالىقتار

ءلاززات سۇلەيمەن: الماتى تراگەدياسىن تەرگەۋ مۇمكىندىگىنشە اشىق جانە وبەكتيۆتى جۇرگىزىلۋى ءتيىس

20 قاڭتار 12:52
:ءبولىسۋ
ءلاززات سۇلەيمەن: الماتى تراگەدياسىن تەرگەۋ مۇمكىندىگىنشە اشىق جانە وبەكتيۆتى جۇرگىزىلۋى ءتيىس

نۇر- سۇلتان. قازاقپارات - الماتى تراگەدياسىن تەرگەۋ مۇمكىندىگىنشە اشىق جانە وبەكتيۆتى تۇردە جۇرگىزىلۋى كەرەك.

بۇل جايىندا بۇگىن سەناتتىڭ جالپى وتىرىسىندا ق ر ۇكىمەت باسشىسىنا ساۋال جولداعان دەپۋتات ءلاززات سۇلەيمەن ايتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، 2022 -جىلعى قاڭتارداعى جاپپاي تارتىپسىزدىكتەر كەزىندە بولعان ءار فاكت ءجىتى زەرتتەلىپ، تەكسەرىلۋى، قۇقىق قورعاۋ ورگاندارىنا جەتكىزىلگەن جانە ۇستالعان ادامداردىڭ قورعالۋعا جانە بىلىكتى زاڭ كومەگىن الۋعا كونستيتۋتسيالىق قۇقىعى قامتاماسىز ەتىلۋى كەرەك «مەملەكەت باسشىسى قاسىم- جومارت كەمەل ۇلى توقايەۆتىڭ «جاۋاپكەرشىلىكتى اۋىرلاتاتىن ءمان- جاي بولماسا، جازانى جەڭىلدەتۋ ءۇشىن شارا قابىلداعان ءجون» دەگەن پىكىرىمەن تولىق كەلىسەمىز. مەملەكەتتىك قۇزىرلى ورگانداردىڭ قىزمەتى بارىنشا اشىق، ءارى وبەكتيۆتى بولۋى، بارلىق جايت جاسىرىلماي، اشىق ايتىلۋى مىندەتتى»، - دەدى جازدى ءلاززات سۇلەيمەن.

سونداي- اق، دەپۋتات اسىراۋشىسىنان ايىرىلعان وتباسىلارعا مەملەكەت كومەكتەسۋى كەرەك، زارداپ شەككەندەر ءۇشىن وڭالتۋ جۇرگىزىپ، كۋرسانتتارعا، اسكەري جانە پوليتسيا قىزمەتكەرلەرىنە ماتەريالدىق جانە مورالدىق قولداۋ كورسەتۋ كەرەك ەكەنىنە نازار اۋداردى.

«سونىمەن قاتار، ۇكىمەت، قاندى قاسىرەت سەبەپتەرى مەن سالدارىنا قاتىستى تەرەڭ الەۋمەتتىك زەرتتەۋلەر جۇرگىزىلىپ، سودىرلار سوققىسى قايتالانبايتىنداي شارالار قامتاماسىز ەتىلۋى ءتيىس»، - دەدى سەناتور.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات