الماتىداعى جاڭا مەترو ستانسالارى قاشان ىسكە قوسىلادى

الماتى. قازاقپارات- الماتىدا 2022 -جىلدىڭ ءبىرىنشى توقسانىنىڭ سوڭىنا دەيىن ەكى مەترو ستانسياسى - «سارى ارقا» جانە «باۋىرجان مومىش ۇلى» ىسكە قوسىلادى.

بۇل تۋرالى الماتى قالاسىنىڭ اكىمى باقىتجان ساعىنتايەۆ ءمالىم ەتتى، دەپ حابارلايدى قازاقپارات ءتىلشىسى.

«بيىلعى ءبىرىنشى توقساننىڭ سوڭىنا دەيىن «سارى ارقا» جانە «باۋىرجان مومىش ۇلى» مەترو ستانسيالارىن ىسكە قوسامىز. قالقامان ستانسياسىنىڭ قۇرىلىسى جالعاسادى»، - دەدى باقىتجان ساعىنتايەۆ.

قازىرگى كەزدە جاڭا ستانسيالار % 96 دايىن. جول اباي داڭعىلىنىڭ استىندا، التىنسارين داڭعىلىنان ياساۋي كوشەسىنە دەيىنگى باتىس باعىتتا ورنالاسقان. «سارى ارقا» ستانسياسى Family ساياباعىنىڭ اۋدانىندا، ال «باۋىرجان مومىش ۇلى» ستانسياسى اباي داڭعىلىنىڭ تومەنگى جاعىندا، مومىش ۇلى كوشەسىنىڭ باتىسىندا ورنالاسقان.

اۆتور: الما مۇقانوۆا