پەتروپاۆلداعى قاڭعىباستاردىڭ باسىم بولىگى - تەپسە تەمىر ۇزەتىن جىگىتتەر

None
None
پەتروپاۆل. قازاقپارات - پەتروپاۆلدا قاڭعىباستاردى انىقتاۋمەن اينالىساتىن موبيلدى توپ بىلتىر قابىلداۋ- تاراتۋ ورنىنا 1976 ادامدى جەتكىزگەن، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قالالىق پوليتسيا باسقارماسى قابىلداپ- تاراتۋ ورنىنىڭ قىزمەتكەرلەرى تۇرعىلىقتى مەكەنجايى جوق تۇلعالاردى انىقتاۋ ءۇشىن كۇن سايىن رەيدتەر جۇرگىزەدى.

ماقسات - قىستىڭ كوزى قىراۋدا قاڭعىباستاردى ۇسىك الۋدان قورعاۋ. موبيلدىك توپ ساعات 16.00 دەن تۇنگى ساعات 00:00 گە دەيىن جۇمىس ىستەيدى. قىزمەتكەرلەر كوشەگە ءبىر شىققاندا ورتا ەسەپپەن 8 قاڭعىسباستى پوليتسياعا جەتكىزەدى ەكەن. پودەزدەر، جەرتولەلەر، جىلۋ قۇبىرلارى، قوقىستار مەن بازارلار - تۇرعىلىقتى مەكەنجايى جوق ادامداردىڭ جۇرەتىن جەرلەرى ۇدايى تەكسەرىلەدى. قاجەت بولعان جاعدايدا ءموبيلدى توپ باعىتتارىنا جەدەل وزگەرتۋ ەنگىزەدى.


قىلمىستاردى اشۋ، ءىز- ءتۇزسىز جوعالعاندار، قىلمىسكەرلەردى ىزدەۋمەن قاتار، پوليتسەيلەردىڭ مىندەتىنە قاڭعىباستار تاراپىنان نە ولارعا قاتىستى جاسالعان قىلمىستار مەن قۇقىق بۇزۋشىلىقتاردىڭ الدىن الۋ كىرەدى.

39 جاستاعى دەنيستىڭ جىلۋ قۇبىرلارىندا، قۇدىقتاردا تۇنەپ جۇرگەنىنە بىرنەشە اي بولعان. نەگىزىنەن قوقىسقا تاستالعان ازىق- تۇلىك قالدىقتارىمەن جۇرەك جالعايدى، كەيدە ۆولونتەرلەر مەن مەيىرىمدى جاندار كومەكتەسەدى ەكەن. ايازدى كۇندەر دەنيس سياقتى كەزبەلەرگە اسا قاۋىپتى، ۇسىك الۋى مۇمكىن. سوندىقتان پوليتسيانىڭ موبيلدى توبى قاڭعىباستاردى كۇندە كەشكە جۇمىسشى كەنتىندە ورنالاسقان ارنايى تۇنەۋ ورنىنا جەتكىزەدى.

پەتروپاۆل قالالىق پ ب قابىلداپ- تاراتۋ ورنىنىڭ باستىعى اداي سمايىلدىڭ ايتۋىنشا، وتكەن جىلدىڭ 12 ايى ىشىندە بۇل جەرگە تۇرعىلىقتى مەكەنجايى جوق 1976 ادام جەتكىزىلگەن. قابىلداۋ ورنىنا ونىڭ 239 ى ورنالاستىرىلدى. جەتكىزىلگەندەردىڭ بارلىعى پوليتسيانىڭ تىزىمدىك ەسەبىنە قويىلدى. سونىمەن قاتار، قىلمىس جاساۋدا كۇدىكتى دەپ تانىلعان، ىزدەۋدە جۇرگەن 5 ادام انىقتالدى. تالداۋ، قاڭعىباستاردىڭ اراسىندا 33-44 جاستاعى ادامداردىڭ ءجيى كەزدەسەتىنىن كورسەتتى. ولاردىڭ باسىم بولىگى - ەر ازاماتتار.

سوڭعى جاڭالىقتار