USD 424.84 EUR 453.6
RUB 7.3 CNY 63.91
جاڭالىقتار

قىتايدا كوروناۆيرۋسقا بايلانىستى ەكى مىڭ كەمىرگىشتىڭ كوزى جويىلادى

20 قاڭتار 08:01
:ءبولىسۋ

نۇر-سۇلتان.قازاقپارات - گونكونگ بيلىگى 2 مىڭ الاماننىڭ كوزىن جويادى، دەپ حابارلايدى حابار 24.

ارنايى اكىمشىلىك اۋدانعا كەمىرگىشتىڭ بۇل ءتۇرىن كىرگىزۋگە ۋاقىتشا تىيىم سالدى. ويتكەنى جەرگىلىكتى زوودۇكەن قىزمەتكەرى مەن كەلۋشى كوروناۆيرۋس جۇقتىرعانى بەلگىلى بولدى. تەكسەرۋ كەزىندە ۆيرۋس مۇنداعى 11 الاماننان دا انىقتالعان. مامانداردىڭ ايتۋىنشا، ادامدارعا ىندەت كەمىرگىشتەن جۇعۋى مۇمكىن. ەندى بيلىك كەيىنگى ءبىر ايدا الاماندى ساتىپ العان تۇرعىنداردان ولاردى كەرى قايتارۋدى سۇراپ وتىر. ال زوودۇكەننىڭ 150 قىزمەتكەرى مەن كەلۋشىسى كارانتينگە جىبەرىلدى. كوروناۆيرۋسقا بايلانىستى 2020 -جىلدىڭ اياعىندا دانيا بيلىگى دە ميلليونداعان قاراكۇزەنننىڭ كوزىن جويعان ەدى.

ليان سيۋ- فاي، گونكونگ ۇكىمەتىنىڭ اۋىل شارۋاشىلىعى، بالىق اۋلاۋ جانە قورشاعان ورتانى قورعاۋ جونىندەگى ءبولىمىنىڭ ديرەكتورى:

- ءبىز زوودۇكەندە ساتىلاتىن ءتۇرلى جانۋارلاردى كوروناۆيرۋسقا تەكسەردىك. الايدا تەك الامانداردا عانا تەست وڭ ناتيجە كورسەتتى. سول سەبەپتى ءبىز ولارعا ەۆتانازيا قولدانامىز. ودان بولەك گونكونگتا كەمىرگىشتەردىڭ بۇل ءتۇرىن ساتاتىن بارلىق دۇكەندەر ۋاقىتشا جابىلۋى ءتيىس. ازاماتتارعا ساقتىق شارالارى جايلى ۇمىتپاۋدى ەسكە سالامىز. ياعني جانۋارلاردى ۇستاعاننان كەيىن مىندەتتى تۇردە قولدى جۋىپ ءجۇرۋ كەرەك.

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات