ەلوردادا ەسىرتكى ارناسى جويىلدى
بۇل جايىندا نۇر- سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.
ۆەدومستۆو اقپاراتىنا سايكەس، پوليتسيا قىزمەتكەرلەرى توتەنشە جاعداي رەجيمى كەزىندە قالادا قۇقىقتىق ءتارتىپتى بۇزۋعا جول بەرمەۋ ماقساتىندا رەيدتىك تەكسەرۋلەر جۇرگىزدى. وسىنداي تەكسەرۋلەر بارىسىندا پەتروۆ كوشەسىنىڭ بويىندا 23 جاستاعى كۇدىكتى ۇستالىپ، جەكە زاتتارىن ءتىنتۋ بارىسىندا ىشىندە ەسىرتكى زاتى بار 29 دانا تۇيىنشەك تابىلىپ، تاركىلەندى.
«جەدەل تەرگەۋ ءىس- شارالارى بارىسىندا كۇدىكتى پوليتسيا قىزمەتكەرلەرىنە ەسىرتكى زاتتارىن جاسىراتىن قۇپيا ورىندارىن كورسەتىپ، ول جەرلەردەن زاتتاي ايعاقتار تابىلدى. قازىرگى ۋاقىتتا كۇدىكتى قاماۋعا الىندى. وعان قىلمىستىق كودەكستىڭ 97-بابى 3-بولىگى «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» بويىنشا ايىپ تاعىلدى. اتالعان باپتا مۇلكىن تاركىلەي وتىرىپ، 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلەدى»، - دەپ اتاپ وتەدى دەپارتامەنتتەن.