USD 424.84 EUR 453.6
RUB 7.3 CNY 63.91
جاڭالىقتار

وليمپيادا ويىندارىندا العاش رەت ەل اتاۋى قازاقشا قولدانىلادى

19 قاڭتار 21:30
:ءبولىسۋ

نۇر-سۇلتان. قازاقپارات - قازاقستان تاريحىندا تۇڭعىش رەت وليمپيادالىق قۇرامانىڭ فورماسى قازاقشا «QAZAQSTAN» دەگەن اتاۋمەن شىعادى، - دەپ حابارلايدى Olympic.kz.

Олимпиада ойындарында алғаш рет ел атауы қазақша қолданылады

ماڭىزدى ەلەمەنتتى حالىقارالىق بەلگىدەن ۇلتتىق بەلگىگە وزگەرتۋ ءۇشىن حالىقارالىق وليمپيادا كوميتەتىنەن ارنايى رۇقسات الىندى. بۇل رەتتە قازاقستان ح و ك- تىڭ ءۇش ارىپتىك كودتارىنىڭ تىزىمىندە KAZ بەلگىسىمەن قالا بەرەدى. ويتكەنى اببريەۆياتۋرا حالىقارالىق ستاندارتقا سايكەس پايدالانىلادى.

قازاقستان ۇ و ك انا تىلىندە دايىندالعان وليمپيادالىق كيىم-كەشەكتىڭ ماڭىزدى ەلەمەنتتەرىنىڭ ءبىرى اتلەتتەرگە سەنىمدىلىك بەرىپ، ولار ءۇشىن وتانداستاردى قولداۋدىڭ سيمۆولىنا اينالاتىنىنا سەنەدى.

«وليمپيادا ويىندارى - ەڭ الدىمەن ۇزدىك اتلەتتەر ءوز بايراعىمەن شىعاتىن دوستىق پەن بەيبىتشىلىكتىڭ ۇلكەن فەستيۆالى. بۇل تەك سپورتشىلار ءۇشىن عانا ەمەس، ءوز كوماندالارىن قولدايتىن بارلىق جانكۇيەر ءۇشىن ماڭىزدى وقيعا. وليمپيادا كەزىندەگى كەز - كەلگەن جابدىققا باستى نازار اۋدارىلادى. سوندىقتان ەل اتاۋىنىڭ «QAZAQSTAN» دەپ جازىلۋى - ۇلتتىق قۇرامانى جانە بۇكىل ەلدى الەمدىك قاۋىمداستىق الدىندا وتە ماڭىزدى قادام بولىپ سانالادى. قازاق مادەنيەتىنىڭ ۇلتتىق ەلەمەنتتەرى فورما ديزاينىندا حالىقتىڭ سالت-داستۇرلەرى مەن وزىندىك ەرەكشەلىگىن ەرەكشە اتاپ ءوتۋ ءۇشىن ءارقاشان دا ماڭىزدى ءرول وينايتىن. ءبىزدىڭ شەتەلدىك ارىپتەستەرىمىز جاڭا جازۋعا جوعارى باعا بەردى. ءبىزدىڭ اتلەتتەرگە دە فورمانىڭ جاڭا ەلەمەنتى ۇنايتىنىنا سەنىمدىمىز. وليمپياداشىلار - قازاقستاننىڭ شەتەلدەگى ماڭىزدى ەلشىلەرى. سوندىقتان ءبىزدىڭ وتانداستارىمىز ءبىزدىڭ كوماندامىزعا - ءوز كومانداسىنا قولداۋ كورسەتەدى دەپ ۇمىتتەنەمىز»، - دەپ اتاپ ءوتتى ەلىمىزدىڭ ۇلتتىق وليمپيادالىق كوميتەتىندە.

بەيجىڭدەگى قىسقى وليمپيادا ويىندارىنا سپورتشىلار جاڭارتىلعان فورمادا اتتانادى. كوپ ۇزاماي بارشا قازاقستاندىق جاڭا فورمامەن تانىس بولادى.

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات