USD 427.84 EUR 443.8
RUB 6.67 CNY 63.02
جاڭالىقتار

اقمولا وبلىسىندا بۇگىنگىنىڭ باتىرلارىن دارىپتەيتىن شارا قولعا الىنۋدا

19 قاڭتار 20:11
:ءبولىسۋ
اقمولا وبلىسىندا بۇگىنگىنىڭ باتىرلارىن دارىپتەيتىن شارا قولعا الىنۋدا

كوكشەتاۋ. قازاقپارات - اقمولا وبلىسىنىڭ «رۋحاني جاڭعىرۋ» وڭىرلىك جوبالىق كەڭسەسى «ارامىزداعى باتىرلار» جوباسىن جۇزەگە اسىرۋدا.

جوبا بۇگىنگىنىڭ باتىرلارىن دارىپتەۋگە، ولاردىڭ ەرلىكتەرىن كوپشىلىككە ۇلگى ەتۋ ماقساتىندا قولعا الىنىپ وتىر، دەپ حابارلايدى قازاقپارات ءتىلشىسى.

«رۋحاني جاڭعىرۋ» وڭىرلىك جوبالىق كەڭسەسىنىڭ باسشىسى ەرلان مۇحامەدياروۆ اتاپ وتكەندەي، جوبا اياسىندا قىزمەتتىك مىندەتتەرىن ورىنداۋ بارىسىندا ەرلىك تانىتقان قۇتقارۋشىلار مەن پوليتسيا قىزمەتكەرلەرى، كوروناۆيرۋس ينفەكتسياسىنا قارسى كۇرەسكە جۇمىلدىرىلعان مەديتسينا ماماندارىمەن بەينەسۇحباتتار جۇرگىزىلىپ، ولار جايلى بەينەروليكتەر الەۋمەتتىك جەلىلەردە تاراتىلىپ وتىراتىن بولادى.

«ارامىزداعى باتىرلار» جوباسى قازاق حالقىنىڭ «باتىرلىق ينستيتۋتىن» ناسيحاتتاۋعا ارنالعان. تاريحتاعى باتىر بابالارىمىزدىڭ ەرلىك جولى جەلىسىن ۇزبەگەنىن دالەلدەپ كەلە جاتقان ەرجۇرەك زامانداستارىمىز قازىرگى كۇندە دە ءبىزدىڭ ارامىزدا بار»، - دەيدى ەرلان مۇحامەدياروۆ.

جوبانىڭ قاناتقاقتى تۋىندىسى مالىك عابدۋللين اتىنداعى ازاماتتىق قورعانىس اكادەمياسىنىڭ كۋرسانتتارىنا ارنالىپ وتىر.

اكادەميا كۋرسانتتارى توتەنشە جاعداي كەزىندە پوليتسيا قىزمەتكەرلەرىمەن بىرلەسىپ، وڭىردە قوعامدىق ءتارتىپتى ساقتاۋعا ۇلەس قوستى. كوشە كۇزەتىنە اتالمىش ءبىلىم ورداسىنىڭ 4- كۋرس كۋرسانتتارى، جالپى سانى 148 ادام تارتىلدى.

ايتا كەتسەك، اقمولا وبلىسى ىشكى ساياسات باسقارماسىنا قاراستى «رۋحاني جاڭعىرۋ» وڭىرلىك جوبالىق كەڭسەسى جوبا جۇمىسىن جىل بويى جالعاستىرىپ وتىرماق. وتانعا قالتقىسىز قىزمەت ەتىپ جۇرگەن ازاماتتاردىڭ مارتتىگىن ۇلگى ەتۋدى كوزدەيتىن جوبا الداعى ۋاقىتتا قوعام ءومىرىنىڭ ءار سالاسىن قامتيتىن بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات