USD 429.57 EUR 447.35
RUB 6.94 CNY 63.23
جاڭالىقتار

الماتى كاسىپكەرلەرى شىعىن ورنىن تولتىرۋ ءۇشىن قانداي قۇجاتتار ۇسىنۋى كەرەك؟

19 قاڭتار 19:50
:ءبولىسۋ
الماتى كاسىپكەرلەرى شىعىن ورنىن تولتىرۋ ءۇشىن قانداي قۇجاتتار ۇسىنۋى كەرەك؟

الماتى. قازاقپارات - الماتى كاسىپكەرلەرى مۇلىكتىك زالالدىڭ ورنىن تولتىرۋ ءۇشىن قانداي قۇجاتتاردى ۇسىنۋى كەرەك.

بۇل تۋرالى الماتى وڭىرلىك كوممۋنيكاتسيالار قىزمەتىندە قالا اكىمىنىڭ ورىنباسارى ءىلياس وسەروۆ ايتىپ بەردى، دەپ حابارلايدى قازاقپارات ءتىلشىسى.

ونىڭ مالىمەتىنشە، الدىمەن زارداپ شەككەن بيزنەس وكىلدەرى ءوتىنىشتى ەلەكتروندى نىسانعا «ynfoKazakhstan.kz» جىبەرۋى ءتيىس. بۇل رەتتە مۇنى سەنىمحات نەگىزىندە ارەكەت ەتەتىن ادامدارعا جاساۋعا مۇمكىندىك بار.

ءوتىنىش بەرۋشى كەلەسى قۇجاتتار پاكەتىن ۇسىنۋى قاجەت:

- جەكە كاسىپكەر ءۇشىن - ج ك جەكە باسىن كۋالاندىراتىن قۇجاتتىڭ كوشىرمەسى، ج ك تالونى؛

- زاڭدى تۇلعالار ءۇشىن - زاڭدى تۇلعانىڭ مەملەكەتتىك تىركەلگەنىن راستايتىن قۇجاتتىڭ كوشىرمەسى؛

- مۇلىككە مەنشىك قۇقىعىن نەمەسە وزگە دە زاتتىق قۇقىقتى راستايتىن قۇجاتتار، سايكەستەندىرۋ قۇجاتتارى؛

- جىلجىمايتىن مۇلىك ءۇشىن - بۇلىنگەن مۇلىكتى قالپىنا كەلتىرۋگە ارنالعان شىعىستار سمەتاسى؛

- بۇلىنگەن نەمەسە جويىلعان جىلجىمالى مۇلىك جانە (نەمەسە) تاۋارلىق-ماتەريالدىق قۇندىلىقتار ءۇشىن - باعالاۋ تۋرالى ەسەپ؛

- جوعالعان (ۇرلانعان) تاۋار-ماتەريالدىق قۇندىلىقتار مەن جابدىقتار ءۇشىن - مەملەكەتتىك كىرىس ورگاندارىنان، فيسكالدىق دەرەكتەر وپەراتورلارىنان وتكەن جىلعى اينالىم سومالارى تۋرالى مالىمەتتەردى سۇراتۋعا جانە الۋعا كەلىسىم؛

- وزگە دە قۇجاتتار (فوتو جانە بەينەماتەريالدار).

الماتى اكىمىنىڭ ورىنباسارى كاسىپكەر ۇسىنعان قۇجاتتار پاكەتىن وڭىرلىك كوميسسيا جانە قور كوميسسياسى بەس كۇنتىزبەلىك كۇن ىشىندە قارايتىنىن اتاپ ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات