USD 433.3 EUR 464.19
RUB 6.48 CNY 64.56
جاڭالىقتار

حالىقارالىق ەنەرگەتيكا اگەنتتىگى مۇنايدىڭ الەمدىك باعاسىنا بولجام جاسادى

19 قاڭتار 18:26
:ءبولىسۋ
حالىقارالىق ەنەرگەتيكا اگەنتتىگى مۇنايدىڭ الەمدىك باعاسىنا بولجام جاسادى

نۇر-سۇلتان. قازاقپارات - حالىقارالىق ەنەرگەتيكا اگەنتتىگىنىڭ (ح ە ا) قاڭتارداعى ەسەبىندە 2022-جىلى كوروناۆيرۋستىڭ «وميكرون» شتامىنىڭ تارالۋىنا قاراماستان، مۇنايعا سۇرانىستىڭ ءوسىمى كۇتىلىپ وتىرعاننان الدەقايدا ارتاتىنىن بولجاپ وتىر.

اگەنتتىك 2021- جانە 2022-جىلدارداعى مۇناي سۇرانىسىنىڭ ءوسۋ باعاسىن تاۋلىگىنە 200 مىڭ باررەلگە، سايكەسىنشە تاۋلىگىنە 5,5 ميلليون باررەل جانە 3,3 ميلليون باررەلگە دەيىن كوتەردى، دەپ حابارلايدى قازاقپارات ت ا س س اقپارات اگەنتتىگىنە سىلتەمە جاساپ.

«الەمدە كوروناۆيرۋس جۇقتىرۋ وقيعالارىنىڭ سانى جىلدام قارقىنمەن وسۋدە، ءبىراق ۇكىمەتتەردىڭ پاندەميانى بولدىرماۋ بويىنشا قابىلداعان شارالار ونشا قاتاڭ ەمەس، سوندىقتان ولاردىڭ ەكونوميكالىق بەلسەندىلىك پەن مۇناي تۇتىنۋىنا اسەرى السىرەيدى»، - دەپ ءبىلدىردى پىكىرىن ح ە ا ساراپشىلارى.

وسىلايشا، 2021-جىلدىڭ IV توقسانىندا مۇناي سۇرانىسى تاۋلىگىنە 1,1 ميلليون باررەلگە، ياعني بولجانىپ وتىرعاننان 345 مىڭ باررەلگە جىلدام وسكەن.

ح ە ا- دا «وميكروننىڭ» بۇرىنعى نۇسقالارمەن سالىستىرعاندا جۇقپالىلىعى جوعارى بولعانىنا قاراماستان، ادامدار ءۇشىن وتە قاۋىپتى ەمەس ەكەنىن ەسكە سالادى.

سوندىقتان كوروناۆيرۋستىڭ بۇل ءتۇرى ءوندىرىس پەن ونەركاسىپتىك پروتسەستەردى توقتاتپايدى، دەپ سانايدى ۆەدومستۆو.

وپەك+ ەلدەرى مۇناي ءوندىرۋ شەكتەۋلەرىن تولىق الىپ تاستاسا، 2022-جىلى الەمدىك مۇناي ءوندىرىسى تاۋلىگىنە 6,2 باررەلگە ارتا الادى. بۇل رەتتە، ءوسىمنىڭ باسىم بولىگى وپەك+ كەلىسىمىنە كىرەتىن ەلدەردەن كەلەدى، ولار بيىلعى جىلى ءوندىرىستى تاۋلىگىنە 4,4 ميلليون باررەلگە قوسۋى مۇمكىن.

دەگەنمەن، بۇل سونىمەن قاتار قازىرگى كەزدە نەگىزىنەن ساۋد ارابياسى مەن بىرىككەن اراب امىرلىكتەرىنە تيەسىلى الەمدەگى ەركىن تاۋ-كەن ءوندىرىسى قۋاتىنىڭ قىسقارۋىن بىلدىرەدى، دەلىنگەن باياندامادا.

ال جالپى العاندا، وپەككە كىرمەيتىن ەلدەردىڭ مۇناي ءوندىرىسى 2022-جىلى تاۋلىگىنە 1,8 ميلليون باررەلگە ارتادى. مۇناي ءوندىرىسىن قالپىنا كەلتىرۋ جاعىنان ا ق ش كوش باستايدى، دەپ اتاپ ءوتتى ح ە ا ساراپشىلارى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات