USD 429.57 EUR 447.35
RUB 6.94 CNY 63.23
جاڭالىقتار

ەلباسىنىڭ قاۋىپسىزدىك كەڭەسى مەن ق ح ا- دا ءومىر بويى ءتوراعالىق ەتۋىن توقتاتاتىن تۇزەتۋلەر سەناتقا جولداندى

19 قاڭتار 18:40
:ءبولىسۋ
ەلباسىنىڭ قاۋىپسىزدىك كەڭەسى مەن ق ح ا- دا ءومىر بويى ءتوراعالىق ەتۋىن توقتاتاتىن تۇزەتۋلەر سەناتقا جولداندى

نۇر-سۇلتان. قازاقپارات - پارلامەنت ءماجىلىسى ق ر تۇڭعىش پرەزيدەنتى نۇرسۇلتان نازاربايەۆتىڭ قاۋىپسىزدىك كەڭەسى مەن قازاقستان حالقى اسسامبلەياسىنا ءومىر بويى ءتوراعالىق ەتۋىن توقتاتاتىن كونستيتۋتسيالىق زاڭناماعا تۇزەتۋلەردى ماقۇلدادى، دەپ حابارلايدى قازاقپارات ءتىلشىسى.

«قازاقستان حالقى اسسامبلەياسى تۋرالى» جانە «ق ر قاۋىپسىزدىك كەڭەسى تۋرالى» زاڭدارىنا ءتيىستى تۇزەتۋ ەنگىزىلدى. قازاقستان حالقى اسسامبلەياسىن مەملەكەت باسشىسى باسقارادى دەگەن، ەكىنشىسىندە قاۋىپسىزدىك كەڭەسىنىڭ ءتوراعاسى دا پرەزيدەنت بولادى دەگەن تۇزەتۋ قامتىلدى»، - دەدى ءماجىلىس دەپۋتاتى سنەجاننا يماشيەۆا.

وسى ورايدا دەپۋتات «ق ر تۇڭعىش پرەزيدەنتى - ەلباسى تۋرالى» زاڭناماداعى وزگەرىسكە توقتالا كەلە، ەلباسىنىڭ اتالعان ەكى ۇيىمدى باسقارۋ قۇقىعى الىنىپ تاستالعانىن جانە وزگە قۇقىقتارى ساقتالعانىن جەتكىزدى.

«مەملەكەت باسشىسىنىڭ قازاقستان حالقى اسسامبلەياسى مەن قاۋىپسىزدىك كەڭەسىنە ءتوراعالىعى تۋرالى تۇزەتۋدى ءماجىلىستىڭ زاڭناما جانە سوت-قۇقىقتىق رەفورما كوميتەتى ەنگىزدى... زاڭنامانى قازىرگى شەشىمدەرگە سايكەس كەلتىرۋ كەرەك. ءبىزدىڭ كوميتەت زاڭ ساپاسىنا جاۋاپتى»، - دەدى س. يماشيەۆا.

ايتا كەتەيىك، ءماجىلىس دەپۋتاتى قانات نۇروۆ پارلامەنت ءماجىلىسى «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭعا تۇزەتۋلەر ەنگىزىپ، سەناتقا جولداعانىن ايتقان ەدى. بۇدان بۇرىن حابارلانعاندا، بيىل 18- قاڭتار كۇنى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ قازاقستان حالقىنا ۇندەۋ جاسادى.

ەلباسى قاۋىپسىزدىك كەڭەسىنىڭ تىزگىنى پرەزيدەنت قاسىم-جومارت توقايەۆتىڭ قولىندا ەكەنىن ەسكە سالادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات