ۇ ق ش ۇ اسكەرى قازاقستان اۋماعىنان تولىق كەتتى

نۇر- سۇلتان. قازاقپارات - ۇ ق ش ۇ بىتىمگەرشىلىك اسكەرى قازاقستان اۋماعىنان تولىق كەتتى. بۇل تۋرالى قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن ۇجىمدىق قاۋىپسىزدىك تۋرالى شارت ۇيىمى ۇجىمدىق بىتىمگەر كۇشتەرىن قازاقستان اۋماعىنان شىعارۋ اياقتالدى. سوڭعى جەكە قۇرام مەن تەحنيكا اۋە كەمەسىمەن الماتىدان ۇشىپ شىقتى. قازىرگى قازاقستان رەسپۋبليكاسىنىڭ اۋماعىندا شەت مەملەكەتتەردىڭ اسكەري قىزمەتشىلەرى جوق. ەلىمىزدەن ۇ ق ش ۇ- نىڭ بىرىككەن بىتىمگەرشىلىك كونتينگەنتىن كەزەڭ- كەزەڭىمەن شىعارۋ بيىل 13- قاڭتاردان باستاپ قارۋلى كۇشتەردىڭ جوعارى باس قولباسشىسى - قازاقستان رەسپۋبليكاسىنىڭ پرەزيدەنتى قاسىم- جومارت كەمەل ۇلى توقايەۆ بەلگىلەگەن مەرزىمدە جۇزەگە اسىرىلدى»، - دەدى مينيسترلىك وكىلى ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، بىرلەسكەن بىتىمگەر كونتينگەنتى قازاقستان اۋماعىندا ۇجىمدىق قاۋىپسىزدىك تۋرالى شارتتىڭ 2 جانە 4-باپتارىنا سايكەس ارەكەت ەتكەن.

«جىل سايىن وتەتىن بىرلەسكەن وقۋ- جاتتىعۋ، ونىڭ ىشىندە مىزعىماس باۋىرلاستىق بىتىمگەرشىلىك وقۋ- جاتتىعۋ بارىسىندا ازىرلەنگەن ءىس- قيمىلدار ۇيلەسىمدىلىگىنىڭ ارقاسىندا ۇيىمنىڭ بىتىمگەرشىلىك الەۋەتى جەدەل ىسكە قوسىلدى»، - دەدى ولجاس قۇسايىنوۆ.

اۆتور: ەسىمجان ناقتىباي