الماتىدا تاعى ءبىر توپ مارودەر ۇستالدى

الماتى. قازاقپارات - الماتىدا ۇيالى بايلانىس ورتالىعىن توناعاندار ۇستالدى، دەپ حابارلايدى قازاقپارات ءتىلشىسى.

مەدەۋ اۋداندىق پوليتسيا باسقارماسىنىڭ قىزمەتكەرلەرى 22 ۇيالى تەلەفون ۇرلاعان ءتورت ەر ادامدى قولعا ءتۇسىردى. ولار «ايگەرىم-2» ىقشاماۋدانىنداعى جالدامالى باسپانادا ۇستالدى. كۇدىكتىلەردىڭ ەڭ ۇلكەنى - 29 جاستا بولسا، ەڭ كىشىسى - 24 جاستا.

انىقتالعانداي، 6- قاڭتارعا قاراعان ءتۇنى بۇزاقىلار توبى ۇيالى بايلانىس ورتالىعىنا كىرىپ، ءتۇرلى ماركاداعى ۇيالى تەلەفونداردى ۇرلاپ كەتكەن. ۇستالعاندار الماتى وبلىسىنان كەلگەن. ولار قىلمىس جاساعانىن مويىندادى. قازىرگى ۋاقىتتا ۇستالعانداردىڭ جەكە باسى، باسقا دا قىلمىستارعا قاتىسى بار- جوعى تەكسەرىلىپ جاتىر.

اۆتور: الما مۇقانوۆا