USD 422.01 EUR 452.06
RUB 6.75 CNY 62.72
جاڭالىقتار

الماتىدا تەرروريزمگە قارسى وپەراتسياعا بايلانىستى ءبىرقاتار كوشە جابىلادى

19 قاڭتار 12:55
:ءبولىسۋ
الماتىدا تەرروريزمگە قارسى وپەراتسياعا بايلانىستى ءبىرقاتار كوشە جابىلادى

الماتى. قازاقپارات - الماتىدا تەرروريستەرگە قارسى وپەراتسيا جالعاسىپ جاتىر. وسىعان بايلانىستى ءبىرقاتار كوشە ۋاقىتشا جابىلادى، دەپ حابارلايدى قازاقپارات ءتىلشىسى.

تەررورعا قارسى وپەراتسيانىڭ جۇرگىزىلۋىنە بايلانىستى، بۇگىن 19 - قاڭتار كۇنى كەلەسى ايماقتاردا جول قوزعالىسى ۋاقىتشا جابىلادى:

- ابىلاي حان كوشەسىنىڭ بويىمەن ماقاتايەۆ كوشەسىنەن بوگەنباي باتىر كوشەسىنە دەيىن، سولتۇستىك جانە وڭتۇستىك باعىتتا؛

- تولە بي داڭعىلى بويىمەن جەلتوقسان كوشەسىنەن نازاربايەۆ داڭعىلىنا دەيىن، شىعىس جانە باتىس باعىتتا؛

«ازاماتتاردان ۋاقىتشا شارالارعا تۇسىنىستىكپەن قاراۋدى، قوزعالىس باعىتىن الدىن الا رەتتەپ، جول قوزعالىسى ەرەجەلەرىن قاتاڭ ساقتاۋدى سۇرايمىز»، - دەپ حابارلادى الماتى قالالىق پوليتسيا دەپارتامەنتىنەن.

ايتا كەتەيىك، الماتىدا توتەنشە جاعداي مەن كومەندانتتىق ساعات اياقتالدى. الايدا الماتى اۋماعىندا انتيتەررورلىق شارا رەجيمى جانە تەرروريزم قاۋپىنىڭ «قىزىل» دەڭگەيى ساقتالادى.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات