USD 425.02 EUR 450.1
RUB 7.17 CNY 63.75
جاڭالىقتار

پرەزيدەنت قوعام ءۇشىن مۇلدەم جاڭا كۇنتارىبىن بەلگىلەدى - مەملەكەتتىك حاتشى

19 قاڭتار 12:02
:ءبولىسۋ
پرەزيدەنت قوعام ءۇشىن مۇلدەم جاڭا كۇنتارىبىن بەلگىلەدى - مەملەكەتتىك حاتشى

نۇر- سۇلتان. قازاقپارات – ق ر پرەزيدەنتى قوعام ءۇشىن مۇلدەم جاڭا كۇنتارىبىن بەلگىلەپ بەردى. بۇل تۋرالى ق ر مەملەكەتتىك حاتشىسى ەرلان قارين ءمالىم ەتتى، دەپ حابارلايدى قازاقپارات ءتىلشىسى.

«قابىلدانعان كۇش- جىگەردىڭ، ءىس- شارالاردىڭ ارقاسىندا احۋال قىسقا عانا ۋاقىتتىڭ ىشىندە تۇراقتاندى. قازىرگى ۋاقىتتا توتەنشە جاعداي رەجيمى الىندى. ءبىراق، تاعى قايتالاپ ايتامىن، ءبىرقاتار وڭىردە لاڭكەستەرگە قارسى وپەراتسيا رەجيمى ساقتالادى. دەگەنمەن، تولىقتاي العاندا ەلدەگى احۋال تۇراقتاندى. جاعداي قاۋىپسىزدىك، قوعامدىق ءتارتىپ تۇرعىسىنان عانا ەمەس، اقپاراتتىق الاڭ تۇرعىسىنان دا تۇراقتانىپ وتىر. بۇل رەتتە پرەزيدەنتتىڭ قوعام ءۇشىن مۇلدەم جاڭا كۇنتارتىبىن - جاڭا قازاقستاندا قۇرۋعا بىرلەسە قاتىسۋدى بەلگىلەۋى وتە ماڭىزدى ءرول وينادى. ول بارلىق جاۋاپكەرشىلىگى بار كۇشتەردى، بەلسەندى ازاماتتارى ۇلكەن جاسامپازدىق پروتسەسىنە بىرگە قاتىسۋعا شاقىرۋدى قامتيدى»، - دەدى مەملەكەتتىك حاتشى «حابار 24» تەلەارناسىنا بەرگەن سۇحباتىندا.

ەرلان قاريننىڭ اتاپ وتۋىنشە، مەملەكەت باسشىسىنىڭ تاياۋدا پارلامەنتتەگى سويلەگەن سوزىندە ۇسىنعان رەفورمالار توپتاماسىز ىسكە اسىرۋ ءۇشىن ۇلكەن جۇمىس اتقارۋ قاجەت. ال بۇل رەفورمالاردى ىسكە اسىرۋ باستى فاكتور مەن جاعدايعا - شوعىرلانۋ مەن بىرلەسە ارەكەت ەتۋ قابىلەتىنە بايلانىستى بولماق.

«ەندىگى ۋاقىتتا بۇل لەپىرمە، تەبىرەنىستى سوزدەر ەمەس. بۇل دامۋدىڭ ساپالى جاڭا دەڭگەيىنە شىعۋىمىز ءۇشىن قازىرگى ۋاقىتتاعى قاجەتتىلىك. قازىر ناقتى پىكىرتالاس قاجەت. ويتكەنى، شىندىقتان اجىراپ قالعان دەماگوگيانىڭ بەلەڭ العانى بايقالادى. تەڭگەرىمدى قادام بولۋى ءتيىس. بىزگە دۇرىس مازمۇنعا باعدارلانۋ قاجەت. راديكالدى قۇرىلىمدارمەن، ۇيىمدارمەن، لاڭكەستەرمەن كۇرەسپەن قاتار راديكالدى يدەولوگيامەن، ريتوريكامەن دە كۇرەس بولۋى ءتيىس. سوندا ءبىز بۇل احۋالدى ەڭسەرىپ، ەلىمىزدىڭ دامۋىندا ساپالى دەڭگەيگە شىعامىز»، - دەدى ەرلان قارين.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات