ەرلان قارين: پوليتسيا، اكىمشىلىك عيماراتتارىنا، الەۋمەتتىك نىساندارعا شابۋىلداۋ - ەكسترەميزمنىڭ بەلگىسى

نۇر- سۇلتان. قازاقپارات - پوليتسيا، اكىمشىلىك عيماراتتارىنا، الەۋمەتتىك نىساندارعا شابۋىلداۋ - ەكسترەميزمنىڭ بەلگىسى.

بۇل تۋرالى ق ر مەملەكەتتىك حاتشىسى ەرلان قارين ءمالىم ەتتى، دەپ حابارلايدى قازاقپارات ءتىلشىسى.

«تاياۋدا وتكەن بريفينگ بارىسىندا الماتى قالالىق پوليتسيا دەپارتامەنتىنىڭ باستىعى وڭتۇستىك استاناداعى وقيعالاردىڭ وربۋىنە قاتىستى تولىق حرونولوگيانى ۇسىندى. ونىڭ سوزىندە قارۋلى شابۋىلدارعا، ويران سالۋ مەن تارتىپسىزدىكتەرگە جالپى 20 مىڭعا دەيىن ادام قاتىسقانى اتاپ ءوتىلدى. ارينە، بۇل راديكالداردىڭ قاتىسۋىمەن ورىن الدى. ويران سالۋ، پوليتسيا، قۇقىق قورعاۋ ورگاندارىنىڭ عيماراتتارىنا شابۋىل جاساۋ، اكىمشىلىك عيماراتتاردى باسىپ الۋ، بەيبىت تۇرعىندارعا، الەۋمەتتىك نىساندارعا، ونىڭ ىشىندە اۋرۋحانالارعا شابۋىلداۋ - مۇنىڭ بارلىعى زورلىق- زومبىلىق ەكسترەميزمىنىڭ بەلگىلەرى»، - دەدى مەملەكەتتىك حاتشى «حابار 24» تەلەارناسىنا بەرگەن سۇحباتىندا.

ونىڭ اتاپ وتۋىنشە، ءدال وسىنداي زورلىق- زومبىلىق ءىس- ارەكەتتەرىن اقتاۋعا بولمايدى.

«كوپتەگەن وزگە ەلدە، ونىڭ ىشىندە ەۋروپادادا مۇنداي، تاعى دا قايتالاپ ايتامىن، زورلىق- زومبىلىق ءىس- ارەكەتتەرى زورلىقشىل ەكسترەميزم جانە تەرروريزم دەپ ءبىرجاقتى سيپاتتالادى. بۇل جالپى قابىلداعان انىقتاما. سوندىقتان بۇل جەردە قانداي دا ءبىر پىكىرتالاس بولماۋى كەرەك سياقتى. مەملەكەتتە دە، قوعامدا دا ءبىر عانا ءادىس بولۋى ءتيىس. نەلىكتەن مۇنداي ءادىس بولۋى ءتيىس؟ ءبىز مۇنداي ءىس- ارەكەتتىڭ جولىن كەسۋىمىز قاجەت. مۇنداي زورلىق- زومبىلىق يدەولوگياسىنا، زورلىقشىل ەكسترەميزم يدەولوگياسىنا توسقاۋىل قويۋىمىز كەرەك. بۇل وقيعالار تەرروريزم اكتىسى رەتىندە ءسوزسىز باعالانۋى ءتيىس»، - دەدى ەرلان قارين.

مەملەكەتتىك حاتشىنىڭ اتاپ وتۋىنشە، تەررروريمدى نانىم- سەنىم جۇيەسى رەتىندە قاراماۋ كەرەك. تەرروريزم - بۇل حالىقتى ۇرەيلەندىرۋ جانە قورقىتۋ ستراتەگياسى، ءادىسى.