USD 416.91 EUR 446.47
RUB 7.34 CNY 62.53
جاڭالىقتار

نۇر- سۇلتان اۋەجايىندا الماتىداعى ميتينگتەرگە قاتىسقان كۇدىكتىلەر ۇستالدى

19 قاڭتار 08:04
:ءبولىسۋ
نۇر- سۇلتان اۋەجايىندا الماتىداعى ميتينگتەرگە قاتىسقان كۇدىكتىلەر ۇستالدى

نۇر-سۇلتان.قازاقپارات - 2022 -جىلعى 16-قاڭتاردا «نۇر- سۇلتان» شەكارالىق باقىلاۋ باسقارماسىنىڭ اسكەري قىزمەتشىلەرى استانا اۋەجايىنىڭ نىساندارىن كۇزەتۋ مەن قورعاۋدى جۇزەگە اسىرۋ كەزىندە مىنەز- قۇلىق بەلگىلەرى بويىنشا رەسەي فەدەراتسياسىنا كەتۋگە باعىت العان قازاقستان رەسپۋبليكاسىنىڭ 2 ازاماتىن ۇستادى.

بۇل تۋرالى ۇلتتىق قاۋىپسىزدىك كوميتەتى حابارلايدى. ولاردىڭ جۇگى مەن قول جۇگىن تەكسەرۋ بارىسىندا پىشاقتار، كاستەتتەر مەن كىسەندەردەن تۇراتىن سۋىق قارۋ تۇرلەرى تابىلدى. تەكسەرۋ بارىسىندا ولاردىڭ ۇيالى تەلەفوندارىنان الماتى قالاسىنداعى ميتينگتەرگە، دەمونستراتسيالىق ارەكەتتەر مەن بۇزاقىلىقتارعا قاتىسقاندىعىن راستايتىن بەينەجازبالار تابىلدى.


ۇستالعاندار ءارى قاراي جاۋاپكەرشىلىككە تارتۋ ءۇشىن پوليتسيانىڭ جەلىلىك ءبولىمىنىڭ قىزمەتكەرلەرىنە بەرىلدى. بۇدان باسقا، «تاشكەنت- نۇر- سۇلتان» قاتىناسىنداعى حالىقارالىق رەيستى راسىمدەۋ كەزىندەگى پاسپورتتىق باقىلاۋ جۇمىسىنىڭ ناتيجەسىندە جالعان ءتولقۇجاتى بار تاجىكستان ازاماتى انىقتالدى، ول شەكارانى زاڭسىز كەسىپ ءوتۋ ماقساتىندا قۇجاتتاعى ءوزىنىڭ انىقتامالىق دەرەكتەرىن ادەيى وزگەرتكەن.


www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات