USD 416.91 EUR 446.47
RUB 7.34 CNY 62.53
جاڭالىقتار

سارىاعاشتىق تۇرعىن تاۋىس قۇسىن وسىرۋدە

19 قاڭتار 07:03
:ءبولىسۋ
سارىاعاشتىق تۇرعىن تاۋىس قۇسىن وسىرۋدە

تۇركىستان. قازاقپارات - تۇركىستان وبلىسى سارىاعاش اۋدانى دەربىسەك ەلدى مەكەنىنىڭ تۇرعىنى تاۋىس قۇسىن وسىرۋدە، دەپ حابارلايدى قازاقپارات ءتىلشىسى.

تاۋىس ءوڭىر ءۇشىن تاڭسىق قۇس بولاتىن. ءۇي قۇسىنىڭ بۇل ءتۇرىن قازىر «راحمانبەردي» شارۋا قوجالىعىنىڭ باسشىسى راحمانبەردى وسەربايەۆ العاشقىلاردىڭ ءبىرى بولىپ ءوسىرۋدى قولعا الىپ وتىر. سونىمەن قاتار ول قىرعاۋىلدىڭ 7 ءتۇرى، تاۋىقتىڭ 5 ءتۇرى، كەپتەر، تۇيەقۇس، ازياتتىق كەكىلىك، قازى، ۇيرەكتىڭ 2 ءتۇرى، كۇركە، بودەنە باعۋمەن دە اينالىسادى. سىرتتان الىپ كەلىنگەن قۇستار قولعا ۇيرەتىلگەن.

كۇتىمى ەرەكشە تاۋىس جىلىنا 6 رەت جۇمىرتقالايدى. ودان وزگە، بۇل قۇس كوكتەم ايلارىندا عانا ەرەكشە بيلەپ، ونەر كورسەتەدى. العاشىندا 2 تاۋىس قۇسىن ساتىپ الىپ، جەرسىندىرگەن كاسىپكەر ونى كوبەيتىپ سانىن 40 قا جەتكىزگەن. سونداي- اق قۇسقا قىزىعۋشى ازاماتتاردىڭ سۇرانىسىنا سايكەس، 30 شاقتى تاۋىستى ساتىپ، پايداسىن دا كورىپتى.

الداعى ۋاقىتتا جەكە كاسىپكەر قۇس شارۋاشىلىعىن كەڭەيتۋمەن قاتار، بالىق شارۋاشىلىعىن دامىتۋدى دا جوسپارلاپ وتىر.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات