قازاقستاندا نەشە دوزا ۆاكسينا بار؟

None
None
نۇر-سۇلتان. قازاقپارات - ق ر سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ەلدەگى ۆاكسينالاردىڭ قورى تۋرالى مالىمەت ۇسىندى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن بريفينگىدە ب ا ق وكىلدەرى كوميتەت باسشىسىنان كوروناۆيرۋسقا قارسى ەكپەنىڭ قورى تۋرالى سۇراق قويدى.

«بۇگىندە بىزدە QazVac - تىڭ 500 مىڭ دوزاسى، Sinopharm-نىڭ 1 ميلليون 300 مىڭ دوزاسى، «سپۋتنيكتىڭ» 500 مىڭداي دوزاسى جانە Pfizer- ءدىڭ 2500 دوزاسى قالدى. بۇل ۆاكسينالاردىڭ ءبارى ۆاكسيناتسياعا دا، ريەۆاكسيناتسياعا دا قولدانىلادى. «سپۋتنيك V» عانا تەك ۆاكسيناتسياعا پايدالانىلادى. ويتكەنى ەكى كومپنەنتى ەكى ءتۇرلى ەكەنى ەستەرىڭىزدە شىعار»، - دەدى ايجان ەسماعامبەتوۆا.

بۇعان دەيىن ول ەلىمىزدە تاۋلىك سايىن Pfizer ۆاكسيناسىنىڭ 15-16 مىڭ دواسىز ەگىلىپ جاتقانىن ايتتى.

«ءبىز Pfizer ۆاكسيناسىن ەگە باستاعان كەزدە تاۋلىك سايىن 500-300 ادام عانا ەكپە قابىلداعانى ەستەرىڭىزدە شىعار. ياعني، كەز كەلگەن ۆاكسينا سياقتى، باسىندا ءبارى ءالىپتىڭ ارتىن باقتى. كەيىن قاۋىپسىز ەكەنىنە كوزدەرى جەتكەن سوڭ ۆاكسيناتسيا قارقىنى وسە باستادى. بۇگىندە تاۋلىك سايىن Pfizer ۆاكسيناسىن 15-16 مىڭ ادام قابىلدايدى. ونىڭ ىشىندە بالالار دا، جۇكتى ايەلدەر دە، بالا ەمىزەتىندەر دە بار. بۇگىندە Pfizer ۆاكسيناسىنىڭ 1 ميلليون دوزاسىن تاۋەكەل توبىنداعى ادامدارعا باعىتتاعالى وتىرمىز»، - دەدى ول.

سوڭعى جاڭالىقتار