USD 425.02 EUR 450.1
RUB 7.17 CNY 63.75
جاڭالىقتار

قازاقستاننىڭ بارلىق وڭىرىندە توتەنشە جاعدايدىڭ كۇشى جويىلادى

18 قاڭتار 21:13
:ءبولىسۋ
قازاقستاننىڭ بارلىق وڭىرىندە توتەنشە جاعدايدىڭ كۇشى جويىلادى

نۇر-سۇلتان. قازاقپارات - 19- قاڭتاردا جارىم تۇننەن كەيىن، ياعني ساعات 00:00 دەن باستاپ، نۇر-سۇلتان جانە الماتى قالالارىندا، سونىمەن قاتار الماتى، اتىراۋ، جامبىل، قىزىلوردا، ماڭعىستاۋ وبلىستارىندا توتەنشە جاعدايدىڭ كۇشى جويىلادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.

«بۇعان دەيىن پرەزيدەنتتىڭ جارلىقتارىنا سايكەس، وزگە وڭىرلەردە توتەنشە جاعداي مەرزىمىنەن بۇرىن توقتاتىلعان بولاتىن. وسىلايشا، بۇكىل ەل اۋماعى قالىپتى ومىرگە ورالادى. توتەنشە جاعداي كەزىندەگى قوعامدىق ءتارتىپتى قورعاۋدى كۇشەيتۋ جانە ەركىن ءجۇرىپ-تۇرۋعا، ەلدى مەكەندەرگە كىرۋگە جانە شىعۋعا، ت. ب. قوسىمشا ەنگىزىلگەن شەكتەۋ شارالارى دا جويىلادى. حالىقتىڭ بىرلىگى مەن تۇتاستىعىنىڭ، قۇقىق قورعاۋ ورگاندارى مەن اسكەريلەردىڭ جانكەشتى ءىس-قيمىلدارىنىڭ ارقاسىندا قازاقستاننىڭ بارلىق اۋماعىندا ءتارتىپ پەن تىنىشتىق قالپىنا كەلتىرىلدى. ەلىمىزدە ءارقاشان بەيبىتشىلىك پەن يگىلىك بولسىن!»، - دەپ جازدى ول.

ەسكە سالايىق، 5- قاڭتاردا پرەزيدەنت قاسىم-جومارت توقايەۆتىڭ جارلىعىمەن ەلدەگى جاعدايعا بايلانىستى توتەنشە جاعداي جاريالانىپ، تۇنگى ساعات 23:00 دەن تاڭعى 7:00 گە دەيىن كومەندانتتىق ساعات ەنگىزىلگەن بولاتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات