USD 425.02 EUR 450.1
RUB 7.17 CNY 63.75
جاڭالىقتار

كوروناۆيرۋس: قازاقستاندا قانداي شەكتەۋ شارالارى ەنگىزىلدى

18 قاڭتار 21:28
:ءبولىسۋ
كوروناۆيرۋس: قازاقستاندا قانداي شەكتەۋ شارالارى ەنگىزىلدى

نۇر-سۇلتان. قازاقپارات - قازاقستاندا كوروناۆيرۋستىڭ ورشۋىنە بايلانىستى قوسىمشا شەكتەۋ شارالارى ەنگىزىلدى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ايتىپ بەردى، دەپ حابارلايدى قازاقپارات ءتىلشىسى.

«ءبىر عانا نۇر-سۇلتان قالاسى بويىنشا ستاتسيونارلاردا ەم الاتىن ادامداردىڭ سانى 200 ادامنان 1000 عا دەيىن، ياعني 5 ەسەگە وسكەن. بۇل جاعداي دەنساۋلىق ساقتاۋ جۇيەسىنە ۇلكەن جۇكتەمە ارتىپ وتىر. وسىعان بايلانىستى ۆەدومستۆوارالىق كوميسسيا قوسىمشا شەكتەۋ شارالارىن قابىلدادى»، - دەدى ە. توعجانوۆ ورتالىق كوممۋنيكاتسيالار قىزمەتىندە.

سپيكەردىڭ ايتۋىنشا، ۆاكسينالاۋ مارتەبەسىنە قاراماستان، شەتەلدەن كەلگەندەردىڭ بارلىعىندا تەرىس پ ت ر تەستىنىڭ بولۋى مىندەتتەلدى. Ashyq باعدارلاماسى بويىنشا «جاسىل» مارتەبە بولعاندا عانا جۇمىس ىستەۋگە رۇقسات ەتىلگەن وبەكتىلەر تىزبەسى كەڭەيتىلدى.

«وڭىرلەردەگى ەپيدەميولوگيالىق احۋالعا بايلانىستى وقۋشىلاردى، ستۋدەنتتەردى وقىتۋعا ديففەرەنتسيالدى ءتاسىل قولدانىلادى. حالىق كوپ جينالاتىن ورىندارعا قوسىمشا شەكتەۋلەر ەنگىزىلدى. بۇل ءماجبۇرلى شارالار، ەڭ الدىمەن، ازاماتتارىمىزدى قورعاۋعا باعىتتالعان»، - دەپ ءتۇسىندىردى ە. توعجانوۆ.

بۇعان دەيىن ەرالى توعجانوۆ كوروناۆيرۋس زاردابىنان 18 مىڭ ادام قايتىس بولعانىن ايتىپ، سانيتارلىق نورمالاردى ەلەمەيتىن تۇرعىنداردىڭ ارەكەتىن سىنعا العان ەدى. سونداي-اق قازاقستاندا ۆاكتسينالاردىڭ 5 ميلليون دوزا قورى بار.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات