USD 425.02 EUR 450.1
RUB 7.17 CNY 63.75
جاڭالىقتار

پرەمەر-ءمينيستردىڭ ورىنباسارى: وميكروندى جۇقتىرۋ كورسەتكىشى پاندەميا باستالعالى رەكوردقا جەتتى

18 قاڭتار 18:50
:ءبولىسۋ
پرەمەر-ءمينيستردىڭ ورىنباسارى: وميكروندى جۇقتىرۋ كورسەتكىشى پاندەميا باستالعالى رەكوردقا جەتتى

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى ەرالى توعجانوۆ ەلدەگى وميكرون شتامىنىڭ تارالۋى جونىندە پىكىر ءبىلدىردى، دەپ حابارلايدى قازاقپارات ءتىلشىسى.

«بارشاڭىزعا ءمالىم، سوڭعى كۇندەرى قازاقستاننىڭ بارلىق وڭىرلەرىندە ەپيدەميالىق احۋال كۇرت ناشارلادى. بۇعان بىردەن ءبىر سەبەپ - ەلىمىزدە «وميكرون» شتاممىنىڭ تارالۋى. بۇل جەلتوقسان ايىندا جاسالعان زەرتتەۋلەردىڭ قورىتىندىسى بويىنشا دا دالەلدەندى. جالپى، الەم بويىنشا اۋرۋ سانىنىڭ كەزەكتى رەت كۇرت ارتۋىنا وزدەرىڭىز دە كۋا بولىپ وتىرسىزدار. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، ەۋروپادا سوڭعى ەكى اپتادا اۋرۋ سانى ءوستى. ونىڭ ىشىندە حالىقتىڭ %50 «وميكرونمەن» اۋىرىپ جاتىر»، - دەدى ە. توعجانوۆ ورتالىق كوممۋنيكاتسيالار قىزمەتىندە.

سپيكەردىڭ ايتۋىنشا، اۋرۋشاڭدىقتىڭ ارتۋىنا حالىقتىڭ بەلسەندى ىشكى جانە سىرتقى كوشى-قونى، ۇزاق مەرەكەلىك كۇندەر سونداي-اق ەلدەگى تولقۋلار دا ىقپال ەتكەن.

«وميكروندى ادەتتەگى ماۋسىمدىق ۆيرۋستىق ينفەكسيا دەپ ويلايتىن دار بار. بۇل شتامدى قاراپايىم تۇماۋ دەپ قابىلداۋعا بولمايدى. وميكرون شتامىنىڭ ەرەكشەلىگى - تەز جۇعاتىنىندا جانە ونى قايتا جۇقتىرۋ قاۋپى جوعارى. تارالۋ كوەففيتسيەنتى 1-5. ول دەلتا نۇسقاسىنان 70 ەسە جىلدام تارالادى. ماسەلەن، سوڭعى تاۋلىكتە عانا 9700 جاعداي تىركەلگەن. سوڭعى ايدا كوروناۆيرۋس ينفەكسياسىن جۇقتىرۋ 20 ەسەگە ءوستى. مۇنداي تاۋلىكتىك كورسەتكىش پاندەميا باستالعان ساتتەن بەرى تىركەلمەگەن»، - دەدى ە. توعجانوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات