USD 425.02 EUR 450.1
RUB 7.17 CNY 63.75
جاڭالىقتار

الماتىدا تەرروريستىك قاۋىپتىلىكتىڭ «قىزىل» دەڭگەيى ءالى ساقتالۋدا - شتاب

18 قاڭتار 17:59
:ءبولىسۋ
الماتىدا تەرروريستىك قاۋىپتىلىكتىڭ «قىزىل» دەڭگەيى ءالى ساقتالۋدا - شتاب

الماتى. قازاقپارات - الماتى قالاسى اۋماعىندا انتيتەررورلىق وپەراتسيالار رەجيمى جانە تەرروريستىك قاۋىپتىلىكتىڭ «قىزىل» دەڭگەيى ءالى ساقتالۋدا.

بۇل تۋرالى تەرروريزمگە قارسى كۇرەس جونىندەگى الماتى قالالىق جەدەل شتابىنان ءمالىم ەتتى، دەپ حابارلايدى قازاقپارات ءتىلشىسى.

تەرروريزمگە قارسى ءىس-شارالار اياسىندا الماتى قالاسىنىڭ پوليتسيا دەپارتامەنتى، ۇلتتىق ۇلان مەن قورعانىس مينيسترلىگىنىڭ اسكەري قىزمەتشىلەرىنىڭ كۇشتەرى قالانى تاۋلىك بويى پاترۋلدەۋدى قامتاماسىز ەتۋدە.

بلوكپوستار جۇمىسىن جالعاستىرۋدا.

«تەررورلىق قاۋىپ-قاتەردىڭ «قىزىل» دەڭگەيىندە قۇقىق قورعاۋ ورگاندارىنا ازاماتتاردىڭ زاتتارىن، كولىك قۇرالدارىن جەكە تىنتۋگە، سونداي-اق ولاردىڭ قوزعالىسىن ۋاقىتشا شەكتەۋگە نەمەسە تىيىم سالۋعا رۇقسات ەتىلگەنىن ەسكە سالامىز. سونداي-اق شەرۋلەر مەن ميتينگىلەرگە تىيىم سالىنادى. قۇقىق قورعاۋ ورگاندارىنىڭ جۇمىسىنا تۇسىنىستىكپەن قاراپ، ولاردىڭ زاڭدى تالاپتارىن ورىنداۋدى سۇرايمىز. انتيتەررورلىق وپەراتسيالار رەجيمىنىڭ اياقتالۋ مەرزىمى تۋرالى قوسىمشا حابارلانادى»، - دەدى شتابتا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات