USD 425.02 EUR 450.1
RUB 7.17 CNY 63.75
جاڭالىقتار

الماتى وبلىسىندا زاڭسىز ميتينگىلەر ۇيىمداستىرىلماق: سەرىك كۇدەبايەۆ ۇندەۋ جاسادى

18 قاڭتار 17:30
:ءبولىسۋ
الماتى وبلىسىندا زاڭسىز ميتينگىلەر ۇيىمداستىرىلماق: سەرىك كۇدەبايەۆ ۇندەۋ جاسادى

تالدىقورعان. قازاقپارات - الماتى وبلىستىق پوليتسيا دەپارتامەنتىنىڭ باستىعى سەرىك كۇدەبايەۆ حالىققا ۆيدەوۇندەۋ جولدادى، دەپ حابارلايدى قازاقپارات ءتىلشىسى.

«وزدەرىڭىزگە بەلگىلى، ءبىزدىڭ وبلىس اۋماعىندا تەرروريستىك قاۋىپتىلىكتىڭ «قىزىل» دەڭگەيى ساقتالۋدا. سونىمەن قاتار 19 قاڭتاردان باستاپ قوعامدىق قاۋىپسىزدىكتى قامتاماسىز ەتۋ جانە جەدەل جاعدايدى تۇراقتاندىرۋ ماقساتىندا وبلىستىڭ بارلىق اۋماعىندا «قۇقىقتىق ءتارتىپ» جەدەل- الدىن الۋ ءىس- شاراسى وتكىزىلەتىن بولادى. سونداي- اق الەۋمەتتىك جەلىلەردە كەيبىر جەكە تۇلعالار ەرتەڭ، ياعني 19 قاڭتاردا زاڭسىز ميتينگىلەر مەن شەرۋلەرگە قاتىسۋعا شاقىرۋدا. وسىعان بايلانىستى سىزدەرگە ميتينگىلەردى ۇيىمداستىرۋ جانە وتكىزۋ تالابى «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى« زاڭىمەن رەتتەلەتىنىن جەتكىزەمىن»، - دەدى ۆيدەوجازبادا سەرىك كۇدەبايەۆ.

سونىمەن قاتار دەپارتامەنت باسشىسى ميتينگىنى ۇيىمداستىرۋشىلاردان جەرگىلىكتى اتقارۋشى ورگاندارعا بەيبىت جينالىستاردى ۇيىمداستىرۋ جانە وتكىزۋ تۋرالى ءتيىستى حابارلامالار مەن وتىنىشتەر تۇسپەگەنىن اتاپ ءوتتى.

«تيىسىنشە، زاڭدى بۇزا وتىرىپ جۇرگىزىلەتىن بەيبىت جينالىستاردى ۇيىمداستىرۋ جانە وعان قاتىسۋ قۇقىققا قايشى بولىپ تابىلادى جانە اكىمشىلىك قۇقىق بۇزۋشىلىق تۋرالى كودەكستىڭ 488-بابى بويىنشا اكىمشىلىك جاۋاپتىلىققا اكەپ سوعادى. ەگەر بۇل ارەكەتتەر ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋمەن قاتار جۇرەتىن بولسا، قىلمىستىق جاۋاپكەرشىلىك قىلمىستىق كودەكستىڭ 400-بابى بويىنشا كوزدەلەدى»، - دەپ تولىقتىردى الماتى وبلىسىنىڭ باس پوليتسەيى.

پوليتسيا دەپارتامەنتىنىڭ باستىعى حالىقتى قولدانىستاعى زاڭناما نورمالارىن مۇلتىكسىز ساقتاۋعا، ارانداتۋشىلىققا بوي الدىرماۋعا جانە زاڭسىز اكتسيالارعا قاتىسۋدان باس تارتۋعا شاقىردى.

«قۇقىق قورعاۋ ورگاندارى بەلگىلەنگەن تارتىپكە، قوعامدىق قاۋىپسىزدىككە قول سۇعاتىن كەز كەلگەن قۇقىق بۇزۋشىلىقتىڭ جولىن كەسەدى، سونداي- اق ولارعا جول بەرمەۋ جونىندە زاڭدا كوزدەلگەن شارالاردى قابىلدايدى. وسى جاعدايلارعا بايلانىستى، كرەشەنيە حريستيان مەرەكەسىن تويلاۋ كەزىندەگى جاپپاي شومىلۋدان باس تارتۋدى ۇسىنامىز»، - دەدى سەرىك كۇدەبايەۆ.

اۆتور: سامال قابىشيەۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات