ەلباسى قازاقستان حالقىنا ۇندەۋ جاسادى
***
قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ قازاقستان حالقىنا ۇندەۋى
قۇرمەتتى وتانداستار!
ارداقتى اعايىن!
2022 - جىل حالقىمىز ءۇشىن كۇردەلى دە قاتەرلى سىناقتان باستالدى. بارشاڭىزعا ءمالىم، ۇيىمداسقان ەكسترەميستىك توپتار ەلىمىزدە جاپپاي تارتىپسىزدىك ورناتىپ، تەرروريستىك شابۋىل جاسادى. سونىڭ سالدارىنان بەيبىت تۇرعىندارىمىز زارداپ شەكتى. قاسىرەتتى وقيعا كەزىندە قازا بولعانداردىڭ جاقىندارى مەن تۋعان- تۋىستارىنىڭ قايعىسىنا ورتاقتاسىپ، كوڭىل ايتامىن.
لاڭكەستەر ەلدىگىمىز بەن ەگەمەندىگىمىزگە، تىنىشتىعىمىز بەن تۇتاستىعىمىزعا قاۋىپ ءتوندىرىپ، جۇرتتىڭ بەرەكەسىن قاشىردى. پرەزيدەنتىمىز قاسىم- جومارت كەمەل ۇلى توقايەۆتىڭ شۇعىل شەشىمدەرىنىڭ ارقاسىندا ەل ىرگەسى سوگىلگەن جوق. مەملەكەت باسشىسىن قولداۋ - بارشامىزدىڭ ازاماتتىق بورىشىمىز. ەندىگى كەزەكتە وسى وقيعادان ساباق الىپ، مۇنداي باسسىزدىققا جول بەرمەۋگە ءتيىسپىز.